18 anja pa Padrastro cu a mata dos mucha(2035) y despues mester wordo interna den clinica pa tratamento

384

Awe hof a dicta sentencia den caso di e padrastro cu a mata dos mucha na November 2017.  E caso mes a hiba e nomber di Speeltuin.

Den e caso di prome instancia,  huez a duna un castigo di 15 anja di prison.  Sinembargo awe hof a dicidi otro:  Ta agrega 3 anja mas pa un total di 18 anja.  Ambos corte a mantene “tbs”, cual ta un tratamento medico mental interna den un clinica sin fecha di salida.

Notabel ta cu fiscal a pidi den e caso den prome instancia 15 anja di prison y huez a dicta tambe 15 anja.   E padrastro a bay den beroep pa busca menos castigo.  Aki fiscal a mantene e castigo na 15 anja,  pero Hof a dicta cu ta duna un aumento na esaki cu 3 anja mas.

E hecho cu hof a aumenta e castigo ta algo cu hopi ta apluadi den comunidad, pasobra ta imposibel cu pa kita bida di dos criatura, bo ta haya solamente 15 anja.   Es mas tin hende ta opina cu ainda 18 ta tiki y cu e mester ta 20 plus.

Tin un parti di e sentencia cu ta particular, esta cu a duna e Padrastro tambe un “Tbs”.  Esaki ta nifica cu ta pone ter beschikking di un clinica pa e haya tratamento mental.  E “Tbs” aki no tin duracion y por wordo prolonga pa hopi anja mas.

Por resumi e hora cu e castigo di e Padrasto no ta solamente 18 anja di prison,  pero adicionalmente mas anja interna den un clinica pa tratamento mental,  cual por ta otro 4 anja mas, of 8 anja mas y mientras no tin e garantia di su estado, por keda prolonge cu mas y mas anja.

 

LEAVE A REPLY

Please enter your comment!
Please enter your name here