Rapport di Ernst & Young ta uno politico cu pata pata di error

Durante tratamento di e caso diahuebs ultimo pa kita Endy Croes for di traba,  Endy a sorpresa Lotto pa deporte hunto cu su abogado Luci y Kloes pero tambe Arnold Legrand y abogado Da Sousa kendenan tur tabata presente cu pruebanan contundente cu ta destrosa e rapport di Ernst & Young.  Un di e puntonan di e rapport ta papia cu aparentemente Endy Croes lo tabata ricibi daggled vergoeding pero tambe tabata hasi uso di credietcards di Lotto y despues no ta reken af cu plaka cu e lo a ricibi. Esaki tabata un punto crucial pa Endy door cu aki si lo por papia di ladronicia y por wordo kita op staande voet. Hues Mr. Rover a pidi Endy Croes pa lanta para y “take stand”. Hues a puntra Endy con e proceso aki ta hinka den y hues a puntra Endy relaciona cu un biahe pa Chile na october 2009 e rapport ta splika cu Endy a ricibi placa pero tambe a usa e credietcards di Lotto y NO a paga bek. Endy Croes na su turno a duna un splicacion amplio riba e caso aki y a splica Hues cu mester distuingi dos cos for di otro. Ora cu e ( Endy) tabata presidente tabata tin un areglo y despues di 1 di april 2009 (Endy) como director e tin un otro areglo den su contract y cu apenas ora el a bira director el a ricibi un credietcard y promer cu esey ta un otro director tabata encarga cu e credietcard. Hues a repasa parti di Endy su contract pa pone su mes na altura. Tambe Endy a splika Hues cu den su verweering (contestanan) el a pone bon duidelijk relaciona cu Chile como ehempel cu TUR cosnan usa buiten om trabao cu credietcard di Lotto durante di un biahe di trabao ta,  y a wordo paga bek debidamente y den su verweering el a pone esey y a splica cu e tin TUR bewijs si mester. Nunca pero nunca E&Y ni tampoco Lotto no a manda pidi bewijs.  Durante e caso el’a splica hues cu el’a informa claramente cu e tin prueba pero dor cu niun hende no a puntre pe e no a mustranan. Sinembargo Endy a splica Hues cu el a tresenan cune den corte pa si acaso e pregunta ey bin dilanti. Hues a pidi Endy pa aserca su mesa berde cu e pruebanan. Endy a mustra Hues dirferente pagonan hasi entre otro esun cu Hues a puntra  relaciona cu e biahe di Chile cual biahe tabata 25 pa 30 di October 2009 unda claramente Endy  ta mustra cu 6 di November Endy a vereken bek cu Lotto. Endy a splica cu tanto e y Minister Lee a biaha cu nan casa y locual a cubri cu credietcard tabata entradanan pa e programma di e convention pa e dos casanan cual ta algo normal cu ta yama “spouseprogram” ora e directornan y ehecutivonan bay convention y atende workshopsnan henter dia e organisacion World Lottery Association ta organisa actividadnan pa TUR e señoranan y cada un a costa $ 400 us dollar pa e pakete. Endy tabata tin recibo di Lotto pa Deporte firma pa admistratie cu ta mustra cu Lotto a ricibi e pagonan aki bek esta $ 800 us dollar manera cu nan a regresa. Endy a splica Hues cu admistratie ta ricibi e pagonan aki y ta traha un fractura y ta sign off riba e recibo aki. Hues na su turno a yama abogado di Lotto Sra Luci Herde  dilanti pa mustre cu tur cos ta paga debidamente y no ta manera e rapport di Ernst & Young ta skirbi.  Luci ta splica cu aparentemente  esakinan NO por a wordo haña den Lotto. Endy a splica Hues e procedura normal na Lotto: Esun cu paga ta ricibi e original ( Blanco) cual Endy tabata tin cu firma di admistratie riba dje  y ta keda un copia Geel na Lotto cual sigur tey den Lotto y si nan a puntra esnan cu sa lo a mustranan unda nan ta. Tambe Endy a splica cu depronto tur cos den desventaha di Lotto a desaparese. Locual a resalta serca Hues cu Endy a mustra un otro recibo di un Hotel na Miami unda durante estadia el a tuma riba account di e kamber un blistec, un gel y un movie cual a sali $23.83 us dollar. Normal Lotto ta paga solamente Hotel y transport y no otro gastonan. Na su regreso hasta esaki, un suma di $23.83 a wordo paga bek y Endy por a mustra e recibo original firma pa esnan cu a ricibi e pago. Hues mesora a splica Endy cu tabata prudente pa inclui e recibonan den stukken pa Hues promer cu e caso. Hues a bisa Lotto cu no lo considera pa papia riba credietcards etc mas y ban pa otro punto pasobra esaki tambe ta duidelijk y tur cos ta mustra ok y no manera e rapport ta pretende.

Recientemente Aruba Way Foundation a lansa promocion di e grandioso caminata cu e aña aki lo tuma luga dia 26 di September 2010 dilanti di gate #1 di Valero Aruba Refinery. E aña aki Aruba Way ta celebrando alaves su di 5 aniversario y  ja caba e evento ta mustra di ta bay ta uno grandi y sigur yen di sorpresa grandi.

E aña aki e caminata ta na beneficio di Famia Planea y Cembrah, cual ta dos organisacion cu ta traha incansabel riba e tereno di duna informacion y crea concientisacion riba embarazo hubenil y salud sexual.  Inscipcion a habri y tur particpante por pasa libremente na IDEFRE pa asina incribi y ricibi t-shirt pa solamente 5 florin.

Aruba Way ta anuncia cu tambe ta bay tin benta di t-shirt na diferente Gasoline Station di Valero y Texaco. Diabierna dia 3 di september tin un team dinamico cu lo ta bendiendo t-shirt na Texaco Wayaca cuminsando for di 6 pm – 8 pm. Diasabra 4 di september lo tin bendemento di T-shirt na Ling & Sons pa 9 am – 12 pm.

Algo di sumamente importancia ta cu e aña aki tin algun cambio den e ruta di e caminata. E caminata lo sali for di e parking lot dilianti Gate 1 di Valero Aruba Refinery (dilanti AMC Unicon San Nicolas). Saliendo for di Gate 1, lo tuma e ruta di Lagoweg, Bernardstraat, Pastoor Hendrikstraat, Caya Dick Cooper, Bernardstraat, Lagoweg, St. Maartenstraat, B.E. v/d Zeppenfeldstraat, Caya Captain Robert Rodgers y finalmente termina na Gate 1.

Aruba Way Foundation ta invita tur fiel amante di caminata y Aruba henter pa pasa na IDEFRE pa asina inscribi pa e caminta pa asina por sigura bo T-shirt.

Aruba Way Foundation conhuntamente cu Famia Planea , Cembrah y IDEFRE ta invita henter pueblo di Aruba pa bin cana y  duna bo aporte como bon ciudadano di nos dushi isla Aruba.

Off Season Program

Na  December 2009 tawatin e final di e campeonato AA na unda cu Red Machine Baseball Club un bez mas a topa e muchanan di ATCO Indians pa asina determina ken lo a Sali campeon 2009. Den un series hopi preta y cu hopi bon baseball, e muchanan di ATCO Indians a sali victorioso ganando e best out of seven series 4-2. Despues di a titula subcampeon na 2009, Red Machine no a para keto. Directiva actual, conhuntamente cu hugadornan di team y tambe manager di e team, a topa otro constantemente pa asina tur hende  por ta riba e mesun linea pa keda build up e success di e team. Training nan a cuminza na Maart 2010 pa asina prepara mentalmente y fisicamente cu e meta di bai cu e titulo di campeon den 2010. Conhuntamente cu e esaki , Red Machine a yama un caluroso welcome back tambe na hugadornan clave di tempo di Gloria di ‘Marlboro Red Machine’ manera Roderick Simon, Garrett Briezen y tambe Luigene Eduarda. Durante e off season, Red Machine a logra cera un acuerdo tambe di main sponsorship cu Compra N.V. y su producto bateria Duracell. Conhuntamente cu Duracell, nos no por keda sin menciona e sosten grandi di MapoTech N.V. y por ultimo Red Machine a caba di sera un acuerdo cu Tropical Bottling Co. y su producto Powerade. Un palabra di danki enorme ta bai na nos sponsorsnan cu sigur ta yuda engrande na nos baseball local y tambe pa asina Red Machine por bin a toda carga den 2010.

Resumen di e weganan di Red Machine pa e promer buelta

Campeonato Baseball AA a ranca sali dia 30 di Juli, 2010 cu e prome wega entre e campeon y subcampeon di 2009. Den un encuentro cu bon ambiente, e muchanan di ATCO Indians a bin supera e muchanan di Red Machine cu un score di 7-1. Red Machine a habri wega cu Chejito Croes riba monticulo. Croes a tira 3 inning y a permita unicamente 2 careda y a wordo releva pa Mitch Winklaar. Tambe durante e partido aki Jurvin Maduro, Javier Croes y Randy Croes a mira accion riba e monticulo. Manager di Red Machine Baseball Club, Cai Cai Williams, ta splica lo siguiente di e promer partido, “E idea tras di e promer wega aki tawata pa nos wak unda nos ta para. Nos pitchernan mester hanja e ‘feel’ di e wega y monticulo. Ta un campeonato cu nos ta spera di por hunga at least 20 wega den temporada regular.  Ta durante e temporada regular bo ta build up y pa asina unabez playoffs start, bo pitchernan tin sufficiente inning tira pa ta den un drive completo.” Durante e partido aki, tambe tawatin un tablazo di cuatro skina cu a sali for di Roderick Simon su bate cu ja caba ta duna e impacto di un di veterano cu ta bek cu e team di Red Machine.

Siguientemente Red Machine a topa e muchanan di Braves y akinan por a mira kiko nos por spera di Red Machine e anja aki y con e drive ja caba a cuminza pick up. Red Machine a supera e muchanan di Braves cu un score aplastante di 17-2. Mitch Winklaar a bai cas cu e victoria.

Red Machine despues ta topa e muchanan di QCC Sluggers y aki tambe ta sali victoriso cu un score di 8-6. Un bez mas Mitch Winklaar ta sali pitcher ganador di e partido.

Ariba Djamars Aug 17, 2010, Red Machine ta hunga nan promer wega riba veld Crismo Angela/Nadi Croes.  Akinan e muchanan di Red Machine un bez mas ta bin por la goma y ta gana e muchanan di AIB Rockets cu un score convincente di 6-2. Andry Dirksz ta logra gana e partido combina cu un tremendo relevo di Jurvin Maduro.

Siguientemente Red Machine a topa Valero y un bez mas Red Machine ta mustra kiko kiermen bon baseball. Mitch Winklaar a habri e partido bayendo 6+ inning y asina bai cas cu e victoria y extendiendo su record individual den e campeonato na 3-0. Nos no por keda sin menciona e actuacion dominante di Randy Croes, kende a releva Winklaar durante e partido aki. Croes tawata on e anochi aki cu un recta hopi bibo y un curva cu e muchanan di Valero no por a figure out con pa logra pone e bate riba dje.

Durante nan ultimo encuentro pa locual ta trata e prome buelta di baseball AA, Red Machine ta topa cu e muchanan di Oranjestad BBO y ta bai cas cu un otro Victoria di 11-7. Roderick Werleman a habri e partido y apesar di no tawata den su mihor anochi toch a logra un stap mas di build up pitcheo y confidence. Jurvin Maduro a bai cas cu e victoria y Chejito Croes a cera e wega.

E MVP pa e prome round di Duracell Red Machine a resulta di ta Luigene Eduarda, mientras e Cy Young Award a bay pa Mitch Winklaar

Expectativanan Pa e Resto Di Temporada

Red Machine a bin ta demonstra un bon baseball durante nan promer buelta di Baseball AA di e anja 2010. Cu un tremendo comienzo offensivo di e team, Red Machine a logra cera e promer buelta cu un record di 5 wega gana y 1 perdi. Guynan manera Luigene Eduarda y Julio Hernandez a start e temporada regular riba un hot streak y siguramente ta encabezando e liga actual den e statisticanan offensivo.  Apesar  di e success aki, nos por bisa cu ainda falta mas. Guynan manera Roderick Simon, Enrique Tromp, Javier Croes y otronan a cuminza sinti nan mes mas den e drive y nan lo ta un force offensivo pa e siguiente weganan nos dilanti.

Pa locual ta trata e pitching staff, ja caba nos por mira un impacto grandi cu nan tawatin den e promer buelta. Red Machine no ta conta cu solamente un gran cantidad di pitcher ariba nan roster, pero ta e calidad di e pitchernan cu ta haci Red Machine un team completo.

Up Next

Djabierna September 3, 2010 e segunda buelta di nos campeonato AA ta continua. E dos mihor equiponan di e promer buelta lo midi forza contra otro pa asina aki determina kende lo bai cu e Copa Gobernador Fredis Refunjol. Un bez mas ATCO Indians, cu a termina nan promer buelta invicto, lo bai topa cu e fuerte y team completo di Red Machine. Un bez mas Red Machine Baseball Club kier a gradici nan sponsorsnan pa asina e team por sigui cu nan metanan a corto y largo plazo. Di banda di Red Machine, nos ta manda un invitacion cordial na tur fanaticada di bon baseball pa asina bin apoya en masa e tremendo wega cu lo bai tin djabierna awor. E wega aki ta priminti di bai ta un duele grandi y lo ta cuminzando pa exactamente 7:45pm na veld di Santa Cruz Crismo Angela/Nadi Croes. Red Machine ta warda su gran fanaticada pa asina nos por sigui engrandese e dushi deporte di baseball. E trein di Red Machine a cuminza corre y e no tin paracion… Chuuu Chuuu

Master Emile Barry como un coach hopi jong ta content cu e resultado.  Dos medayanan di oro, un di silver y un di brons. Esaki ta di dos biaha cu Master Emile Barry ta sali cu atletanan y procentage ta sali bon pe. Prome biaha den luna di mei 2010 el a sali bai Venezuela cu cuater (4)  atletanan y logrando un medaya di oro, un di silver y un di brons.  Un danki especial ta bai pa pueblo di Aruba cu a juda San Nicolas Taekwondo Center y B.B. Taekwondo Center den nan rifanan, BBQ y food sale pa logra fondo pa bai dicho campeonato.

Awor San Nicolas Taekwondo Center y B.B. Taekwondo Center ta purba wak si nan por bai den luna di November na Venezuela Open na Caracas.

Un danki na famia Lake cu a bai cu e atletanan y duna tur sorto di apoyo na e atletanan den e campeonato aki.

Dia: Diasabra 04 september 2010 Na: Sport Center/Idefere San NicolasPa: 7:30 p.m. pa 10:30 p.m.

Nos lo tin drinks (non-alcoholico) y cuminda pa bende. Entrada ta gratis.

Bin cu bo mesun stul comodo pa gosa di un anochi di boxeo amateur.

E pueblo di Aruba ta keda cordialmente invita y nos di ARUBOX ta spera cu boso ta bin duna sosten na tur e boxdornan (nobato) cu ta participando.

Algun boxdornan cu lo participa ta: 
Ryan Croes
Kevin Lee
William  Boson
Ylario Schmidt
Rensley Bryson
Virgil Lispier
Aldric Tromp
Ilan Stamper
Adriën Krind

Nan a keda contento cu e reconocimento aki y a expresa cu e ta encanta nos isla y especialmente cu e hendenan ta asina amabel y carinoso. Un biaha mas pabien na Sra. Smith como tambe na e personal di Caribbean Palm Village pa nan excellente trabow.