Galaxy 15 ainda ta flotando for di control y ta causa interferencia den transmisionnan di cable na Aruba.  Actualmente e ta pasando banda di otro satelite di Intelsat Galaxy 14 durante di e dianan aki y e interupcion lo keda te cu comienzo di Augustus.  E canalnan cu lo sinti e efecto di interferencia ta: Lifetime East SD, A&E HD, History HD, Lifetime East HD, y Lifetime West HD. Den luna di April e aña aki Galaxy 15, un satelite a sali fuera di control y a cuminsa  flota den orbita di otro satelitenan cu ta transmitiendo programacionnan di cable pa Merca. Esaki a significa cu e servicio di cable na Aruba a sinti e efectonan den luna di April y Mei 2010.  E satelite conoci como Galaxy 15 a kibra contacto cu Intelsat (e propietario di e satelite) dia 5 di April ultimo. Apesar cu e causa exacto di e desconexion aki ta desconoci, e propietarionan di e satelite ta pensa cu e causa por tabata un tempestad solar (solar storm). Normalmente ora un satelite perde contacto, no ta motibo pa mucho preocupacion pa motibo cu den mayoria caso e satelitenan ta stop di transmiti señalnan tambe.Pero Intelsat a confirma cu Galaxy 15 ta transmitiendo señalnan pa tera y a drenta den e orbita di AMC 11, despues banda di Galaxy 13 y actualmente e ta pasando banda di otro satelite di Intelsat Galaxy 14 durante di e dianan aki y e interupcion lo keda te cu comienzo di Augustus. Intelsat ta trahando keto bay pa recobra control riba Galaxy 15 ainda  pero sin mucho exito. Lo purba pa e interferencia ta minimo posibel pero e Galaxy 14 ta ricibi programacion digital di canalnan di cable y ta transmiti esaki pa tur sistemanan di cable television di cual Aruba tambe ta aden.  Intelsat no ta descarta cu e Galaxy 15 perdi aki, lo por afecta otro interferencianan te cu luna di September proximo.