Diasabra awor dia 31 di July 2010 24ora.com y Canal 49 di Cable lo ta transmitiendo en bibo e “Ortel Zomer Carnaval 2010″. Esaki lo sosode for di Rotterdam Hulanda den forma bibo. Directamente for di dilanti di Stadhuis na Rotterdam e equipo di transmision di 24ora.com lo ta ubica. For di 10 or di mainta ora di Aruba (16:00 ora di Hulanda) lo cuminsa ricibi e promer senjalnan di transmision tanto riba e website como riba television na Aruba via Canal 49 di Cable.
E transmision lo cuminsa cu e promer parti na unda lo hasi entrevista cu e diferente Arubiano y Antiyano residencia na Hulanda cu ta na rotterdam. Aki nan nan lo por manda e saludosnan pa nan famia y amigo cu ta mirandonan sea via television of internet. Despues asina cu e parada mes yega dilanti di Stadhuis lo bay over na transmiti e parada. E anja aki tin dos grupo di Aruba cu lo ta participando cual ta Aruba Uni y Kingdom Under the Sun.Total lo tin 51 grupo participando den e carnaval aki. E tradicion aki a nace na anja 1984 bou di un grupo di Arubiano y Antiyano y awe ta conta cu mas di 800.000 bishitante tur anja.
E transmision ta wordo presenta cu coperacion di Pepsi, Caribbean Mercantile Bank y Setar N.V.