Ayera den e programa radial atraves di Top95 Un Mainta Diferente presenta pa Lyonel Dirksz a anuncia un campaña/proyecto pa pone un sonrisa riba cara di algun mucha cu no tine facil manera otro muchanan cu lo tin tur cos di pia te cabez pa cuminsa un aña escolar exitosamente. Tur hende por corda con den temporada di December e proyecto di ‘Un regalo pa un sonrisa a regala 500 mucha un regalo prome cu Pasco di Nacemento. E biaha aki e concepto ta cambia unda nos kier acumula materialnan pa bay school bek, cu ta entre otro maletin, rugtas, etui, kleurpotloten, stift, potloden, pen, passer, liniaal, schrift, agenda, pa loke ta trata paña, keds, meya etc. Nos ta prefera di ricibi cadeaubon di tiendanan cu ta bende paña di mucha pa nos team mes bay cumpra lok’e cada mucha mester na su size. Nos meta ta pa yuda 10 mucha pero cu intencion di yega of surpasa 100 mucha mes si ta posibel. Desde Dialuna lo tin un box disponibel na Top FM 95 entre ora di oficina 8:00 am pa 5:00 pm, pa esnan cu kier duna un donacion pa nos por cumpra uniform di school y paga schoolgeld pa e 10 muchanan cu wordo selecta. Con lo selecta e muchanan? Desde ora cu e proyecto aki a wordo anuncia na radio ya a ricibi diferente reaccion di nomber di muchanan cu enberdad mester un yudanza pa cuminsa school cu un sonrisa riba nan cara por entrega un carta na studio di Top95 prome cu 10 Augustus 2010 of manda nos un E-mail na Kerekentenchi@live.com, information nan cu mester bin den e carta ta lo siguiente: *Nomber y faam di e mucha; *Si e ta mucha homber of mucha muher; * Edad fecha di nacemento, *Adres  y * Situacion cu e mucha ta pasando cu no por yega na su material- y gastonan cu tin pa cuminsa un aña escolar nobo. *Nomber di school y klas cu e muchanan ta bayendo. *Kico tur e mester. *Nomber di contacto y number di telefoon/Cellular. Lo selecta muchanan di Kleuterschool te cu Basisschool.  Pa mas informacion por yama Lyonel Dirksz na 593-61-87 of Cinthy De Cuba na 741-82-19, nos ta pidi cooperacion di tur esnan cu lo kier contrubui pa hunto nos a haci e proyecto aki uno bunita y pone sonrisa riba algun mucha nan cara pa nan cuminsa un aña escolar contento motiva y cu hopi entusiasmo. si tin comerciante cu tambe kier coopera nan por yama nos libremente na e numbernan cu a wordo duna, hunto nos por haci un diferencia.