Durante di Carshow di Januari na Detroit, General Motors a lanza e Chevrolet Aveo RS concept car y tambe a pone enfasis ariba e Chevrolet Spark nobo den produccion. Awor e Spark nobo tambe lo haci su entrada den mercado local. E Chevrolet Spark a wordo diseña como un auto compacto cu mester spaar lo maximo den gasolin. Den e temponan aki esaki ta un dje caracteristicanan primordial ora di cumpra bo auto. E Chevrolet Spark nobo ta espacioso y cu lineanan atractivo di loke por wordo considera como un vehiculo compacto.  E Chevrolet Spark nobo tin un diseño deportivo unico y ta un di e modelonan mini cu mas estilo ariba mercado.  Su look ta uno fresco y ta basa riba diseño extraoridinario di e concept car ‘Beat’ di Chevrolet. E Spark ta versatile y original y ta presenta un combinacion di estilo y speed unico. E ta un auto facil pa maneha riba cayanan chikito na Aruba, pero alavez e ta un auto cu tambe ta sinta bon riba caminda grandi. Spark a wordo diseña pa hisa calidad di e tipo di auto compacto. Su dashboard inspira riba ‘control  panel’ di un motorcycle ta haci’e ‘stand-out’ y ta resalta cu el’a wordo traha cu diseño inteligente y cu maximo confort na mente. Chevrolet ta un di e marcanan di auto Americano di mas renombre y  venta rond mundo. Na Aruba Chevrolet ta wordo representa door di Stern Automotive Enterprises N.V. situa na Tanki Leendert 122. Stern su departamentonan di garage, parts yventa ta en-orguyece su mes di tin un staff y personal profesional den ramo di venta y servicio pa ofrece ayudo na cliente cu excellencia. Bishita nan website na www.sterngm.com, pasa personalmente of yama libremente na 582-3838 of manda bo email na sterngm@setarnet.aw pa mas informacion.