Despues di un temporada for di radio, dialuna awor dia 2 di augustus e conocida locutora y presentadora di television Alexa Werleman, lo ta bek na radio. Hopi a puntra, hopi a pidi pa e locutora carismatico aki bolbe bek riba frecuencia modula y awor por scucha su programa tur dia, di dialuna te diabierna pa 1 or di atardi te cu 3 or di atardi na Mi 107.5 FM. E hoben y talentoso locutora y presentadora a disidi di join e team nobo di e radio Mi 107.5 FM y asina tambe forma parti di e era nobo cu e radio aki ta bai drenta den e proximo simanan. Mi 107.5 FM ta un radio cu pa hopi decada a sa di hasi historia aki a Aruba contando cu mas di 40 anja di existencia. Cu e yegada di Alexa na Mi 107.5 FM lo marca e comienso di un era nobo di radio difucion aki na Aruba, unda cu Mi 107.5 FM lo ta introduciendo un perspectiva radial completamente innovativo pa e pueblo Arubano. Alexa lo bolbe cu e mesun formato cu semper e la sa di presenta den “The Jump Off”. Cu topiconan di interes general, pero tambe ameno pa su oyentenan, Alexa lo sa di duna e mihor variedad musical na tur su seguidornan manera cu semper e la sa di hasi den pasado. E invitacion ta keda na abo pa sintonisa The Jump Off with Alexa dialuna awor dia 2 di augustus pa 1 or di atardi y asina permiti Alexa companjabo durante 2 ora cu e mihor variedad musical y e topicanan di mas interesante. No perde!