Den temporada di mundial McDonald’s como e restaurant oficial di Copa Mundial di FIFA 2010 tambe a tene su campaña. Den e campaña aki e cliente cu cumpra un McCombo Large na cualkier un di e restaurantnan di McDonald’s tanto na Aruba como Curaçao ta haya un tarheta cu dos area pa raspa. Den un di nan e cliente ta haya beneficio di productonan di McDonald’s ganando un premio instantaneo y den e otro e ta haya un pronostico cu posibel resultado di e ultimo wega di Copa Mundial di FIFA di 2010, cu a tuma lugar na Sur Africa dia 11 di juli 2010 ultimo.

Pa por a participa den e campaña, e cliente mester a subi e website oficial di www.matchscoremcd.com y registra e pronostico y su codigo corespondiente cu el a haya riba e “Tarheta di Wega,”. Tur e participantenan cu a registra nan Tarheta di Wega cu e combinacion di grupo cu posiblemente lo participa den e final di Copa Mundial di FIFA 2010, cu tin un codigo valido y di cua e resultado ta cuadra cu resultado di e wega, ta ganador. E tarheta ganador ta e tarheta cu haya e resultado corecto di e wega final di Copa Mundial di FIFA 2010 y tambe e gruponan cu tin e 2 finalistanan (esaki di acuerdo cu datonan di FIFA). Inicialmente lo a reparti e premio grandi di $75,000 entre tur e ganadornan di e campaña di Puerto Rico, Aruba y Curaçao. Ken por a pensa cu e premio aki lo a wordo gana den su totalidad pa un cliente so.

 “Nos ta masha contento di por tin e ganador di e premio grandi aki na Aruba. McDonald’s ta patrocinador di Copa Mundial pa hopi aña, mescos cu nos compromiso cu tipo di promocionnan manera esaki”, asina Srta. Lina Pereira ehecutivo di mercadeo pa McDonald’s Aruba y Curaçao a comenta diahuebs mainta durante entrega di e cheque di $75,000 na Sr. Waldrin Buckley.  Masha Pabien!