Abogado Anthony Ruiz: Unico meta di Ernst & Young tabata pa caba cu Endy Croes

856

Abogado Anthony Ruiz: Unico meta di Ernst & Young tabata pa caba cu Endy Croes

E caso cu Endy Croes a lanta contra Ernst & Young ta un caso cu a dura por lo menos 10 aña.

Segun abogado Anthony Ruiz, ta trata di un caso caminda cu siman pasa diabierna a haya e sentencia di corte supremo di Hulanda, na unda cu cinco hues a ratifica e sentencia.

Aki ta unda tres hues di HOF, corte di apelacion, a duna Endy Croes rason riba su ponencia y riba e hechonan cu a demostra cu Ernst & Young a comete un acto ilicito y un acto inhusto contra su persona.

Corte supremo a bisa, e acto cu nan a comete contra Croes no ta hustifica y el a sufri daño a consecuencia di e manera con Ernst & Young a actua.

Pa bay bek riba con e manera con Ernst & Young a actua, tin cu bay bek na e sentencia di corte di apelacion, unda cu corte di apelacion a bisa cu ora ta traha un rapport contra un hende, bo mag di haci un fout aki aya.

Pero e manera, con e foutnan aki a wordo haci contra Croes cu no por ta otro cu un solo meta, pa caba cu su persona, su integridad y pa percura pa e wordo kita for di trabao.

No por lubida cu Ernst & Young a manipula e rapport, el a hunga cu cifra di rapport. Por ehempel evidencianan cu Endy tabata tin cu su maneho tabata corecto.

E tabata mustra prueba di inocencia pa e acusacion falso cu tabata tin, tabata wordo scondi. Traduccionnan cu Ernst & Young tabata haci di Papiamento pa Hulandes, tabata manipula e traduccion.

Ora cu tabata pone den rapport, “tin cu mira bijlage 5, cu ta mustra e culpabilidad di Croes”. E bijlage 5 tabata ilustra algo diferente riba e ponencia di E&Y.

Recibonan cu tabata mustra cu a wordo paga y cu nan ta bisa cu no Croes no a paga nan. Goedkeuringnan di su bestuur pa a haci algun cos, cu nan ta bisa cu no ta existi.

Tur e manera con e rapport a wordo traha, tabata un rapport cu tin cu duna complement ora bo kier haci maldad na un hefe. E&Y a haya compliment pa e daño cu el a haci Croes.

Tin cu realisa cu e rapport aki a wordo traha cu un solo meta, pa distrui Endy Croes. Denuncianan a wordo haci na polis cu e rapport aki riba mesa, bisando cu E&Y a haci un investigacion contra Croes y e rapport aki ta e prueba cu Croes tin cu bay cera.

Y pa colmo, Croes a bay cera. Riba esey tambe a bringa riba dje, unda cu tres hues, prome cu e caso mester a cuminsa.

A cuminsa cu un obhecion contra e dagvaarding. Prome cu e caso a cuminsa a logra pa saca Croes y absolv’e di tur acusacion. Esey no a kita cu Croes a bay cera dies dia.

Esey no ta algo zomaar. Tur esey E&Y den colaboracion cu e directiva di Fundacion Lotto pa Deporte, unda cu nan dos a colabora di un manera of otro, cual no por prueba.

Unico cos cu tin ta un rapport cu no ta sirbi pa nada. No solamente Croes a perde su trabao inhustamente, pero tambe el a bay cera. Tur hende sa cu te dia di awe, por ehempel, ora cu ta wak 24ora.com ta publica un articulo di Croes den su posicion como parlamentario, e potret unico cu 24ora.com ta uza ta Croes na boei.

Cu e unico motibo pa caba cu Croes su persona. Haci’e dolor, haci su famia dolor, su mama dolor, su yiunan dolor. Siendo cu tres aña pasa caba a bin un sentencia cu el a wordo absolvi di tur cos.

Cu esey Ruiz kier bisa, cu e daño cu nan a haci contra Croes, ni kico Croes mas bay haci den su bida, e mancha ey lo keda riba dje, pa motibo cu esaki ta un persecusion cu E&Y a crea y nan ta e unico personanan responsabel cu te dia di awe e ta wordo acusa falsamente riba un rapport cu no ta sirbi pa nada.

 

LEAVE A REPLY

Please enter your comment!
Please enter your name here