Accidente fatal den marduga na rotonde Superfood

1364

Diasabra pa 3.38 di marduga a sosode un accidente fatal riba caminda di Sasaki. Un auto pa un o otro motibo a subi rotonde, y bolter. No por descarta cu velocidad halto por a hunga un rol combina cu alcohol.

For di testigonan na sitio, nos por compronde cu un grupo di amigo lo tabata hunto durante anochi. Nan ultimo parada tabata un sitio nocturno.

Na salida a haci tur lo posibel pa e chofer no bay cu auto, pidiendo e pa subi auto di otro amigonan, pero envano.

Amigonan a dicidi di lo bay su tras. Ya caba algun rato prome el’a perde control pero a logra recupera control pa sigui core.

Aumentando velocidad a conduci cu el’a subi y bolter riba e rotonde nobo na Bubali/SuperFood.

E impacto tabata hopi fuerte. E victima mes a keda pega den e auto. A pidi precencia di materiaalwagen pa por corta e auto.

Sinembargo polis ya a constata cu e homber no ta reacciona.

Mesora a dicidi pa laga cera tur caminda den vicindario pa asina desvia trafico pa por realiasa e trabao di rescate.

Dokter Texteira a presenta na sitio pa constata morto.

Mesora autoridad a sigui e protocol pa informa famia unda a manda polis na cas. Mas cu claro esaki ta un momento dificil pa ricibi noticia, cu mester acudi na hospital.

E departamento cu ta brinda ayudo y sosten tambe a wordo informa pa por atende e famia.

E identidad di e victima ta Ferdinand Hsing, naci 20 juli 1987 di 31 anja di edad,

Nos condolencia na famianan di e fayecido.

LEAVE A REPLY

Please enter your comment!
Please enter your name here