Accion di belastingkantoor; Varios deurwaarder bishitando comerciante pa pone beslag

628

Den transcurso di e siman aki,  departamento di impuesto a activa nan cobranza di belasting den forma mas severo.

Asina por bin constata cu a saca varios deruwaarder pa varios comerciantenan unda ta yega cu un ordo di pone beslag.

Mas cu claro esaki ta debi na varios cuentanan cu mester wordo atendi cu por tin un o mas atraso.

Por tuma nota cu e deurwaardernan a bini cu un solo ordo:  Pone beslag riba compania y duna un fecha di ultimatum pa belastingnan pendiente wordo atendi.

Hopi comerciante ta mira esaki como un peso hopi grandi riba nan compania, pasosbra e situacion actual ta dificil.

Mas cu claro cu esaki lo por hiba algun negoshi na kiebro, na ciere of un ultimo recurso ta pa baha e personal na minimo.

No por kita afor cu Belasting ta pa tur hende paga, y mester wordo paga.

Despues di e beslag poni riba e compania,  si no bini un reaccion o pago di e comerciante,  e proximo paso ta pa anuncia e negoshi na vindishi.

E accion masal di cobramento por a wordo spera, ya cu esaki tambe a wordo palabra cu CAFT,  unda lo intensifica cobramento di belasting pa asina cera e gap di e begroting di gobierno.

LEAVE A REPLY

Please enter your comment!
Please enter your name here