Analisis completo di comienzo te final: Nos hospital di “5 strea”, “un Joya”.

680

Durante e gobierno anterior, tur cos cu nan a haci, ta di 5 strea, hasta e debe astronomico cu nan a duna Aruba.

Na anja 1976 (42 anja pasa), Stichting Ziekenverpleging Aruba, a construi e actual Dr. Horacio Oduber Hospital cu 320 cama. E tempo ey, e poblacion di Aruba tabata alrededor di 65 mil habitante.

E discusionnan pa construi un hospital nobo tabata andando pa basta anja, pero na September 2014 Gobierno a dicidi na expansion y renovacion di Dr. HOH, cu e pensamento cu esaki lo por keda cla na 2019. 

Ta ser considera cu e proyecto aki ta e construccion mas grandi di gobierno, den historia di Aruba. Tabatin hopi opinion cu ta mas mihor pa construi un hospital nobo, pero e Gobierno a dicidi contrario. Gobierno a dicidi di haci esaki den un forma di PPP cu lo ser cubri pa APFA, SOGA y AIB.Nan lo financia e gastonan y Gobierno of mihor bisa -pueblo pagador di belasting- durante 30 anja largo, cada anja lo mester paga e suma di 24 miyon florin. A dicidi cu lo construi un toren di 6 piso cu lo tin 3 piso cu cada un 90 kamber di un of dos persona.A ser calcula cu e gastonan total lo ta den careda di 800.000.000 miyon florin , pero no tin duda cu e gastonan lo surpasa 1 biyon florin (1.000.000.000 )!

E Minister di Salubridad e tempo aya, Dr. Richard Visser a declara cu Aruba lo haya un ” Joya di Proyecto”. El’a lubida di bisa ki sorto di joya, pasobra awor ta holor di diesel y tur sorto di problema tin na e proyecto y empleadonan di hospital ta yega nan trabao bon y despues ta bira malo, segun nan sindicato. E Minister actual di Salubridad a declara cu e hospital ta un “CHAOS” completo.Den un declaracion di AIB di dia 4 Maart 2015, nan ta declara cu e populacion di Aruba a crece masha hopi y cu e hospital actual no ta funciona optimal. Asina mes ora e hospital keda cla, elo NO tin ni un cama mas cu esun actual! Asina mes cu e poblacion actual a casi redobla!

Dia 4 Maart 2015 a firma contrato cu e oficina di OHL-Group (Obrascon Huarte Lain S.A di Madrid ) cu ta un multinacional y compania di ingieneria civil. Nan compania cu lo construi e hospital lo ta un subsidario di nan Arellano cu su base na Miami. Ambos a presenta un curiculo impresionante. Loke ta keda hopi stranjo ta con arquitectonan supuestamente experto ta disenja un hospital sin kamber di operacion y sin ICU cu ta e oficina di arquitecto Bermello/Ajamil & Partners cu supuestamente tanto experiencia . Y con por ta posibel cu ta construi un hospital cu ta un “CHAOS”! Nan a declara di lo construi un ” Central Power Plant” extende e “Storage Building & extend the existing electrical and mecanic infrastuctur”. Loke ta keda un pregunta grandi ta cu AIB no a haci un destaho publico pa e proyecto biyonaio aki, pero riba nan mes a aserca companianan, segun e Presidente di Parlamento di e tempo aya, sr. Paul Croes. E compania Arellano ademas di nan oferta, a condiciona cu nan ta cobra 5 porciento EXTRA pa “meerwerk” cu ya a surpasa 110 miyon florin (extra) !

Aki ta bon pa menciona cu e compania Frances Bouygues tambe a duna nan oferta pa construi e hospital y nan oferta tabata 24 miyon florin ( 24.000.000) menos cu esun di Arellano. E compania Bouygues ademas lo NO  A COBRA NADA pa ” meerwerk! Y tog a scoge pa Arellano! Porque sera! Ta bon pa menciona tambe cu Gobierno a bende e edificio di hospital na SOGA pa 40 miyon florin y SOGA despues ta verhuur e edificionan bek na hospital! Di e forma aki SOGA por usa e edificio pa logra financiamento pa construi e proyecto.

Dia  14 October 2014 -durante un rueda di prensa, e proyect-leider di henter e construcion/renovacion ta declara cu hospital lo NO conoce e sistema di 1ste of 2e klasse mas. Ningun periodista y despues ningun sindicato hamas a haci pregunta riba e asunto aki. Un pregunta cu mester haci aki ta lo siguiente: enberdad tur hende ta igual pa hospital? Mayoria si, pero TUR NO! Depende ta Ken ta ser hospitaliza. Pero e pregunta ta si te awor ainda un suma extra ta ser kita for di e payslip di esnan cu tabatin derecho riba 1ste of 2 de klasse! Tambe tin varios compania ta paga seguro extra pa nan empleadonan ricibi cierto trato extra. Lo ta bon pa averigua henter e asunto aki y si ta kitando placa inhusto lo mester debolbe esaki.

Manera a ser menciona anteriormente, e proyecto di contruccion di e hospital ta esun mas grandi cu Gobierno a yega na haci y MESTER a percura pa pone un experto cu hopi conocemento di construccion/tecnologia, encarga cu henter e proyecto.Pero tur hende por corda con na 2014 tabatin un problema na e hospital na unda e Director di e hospital/Boersten kier a kita un empleado. Famianan di e empleado aki cu ta yama nan mes “e raiz di AVP” a zapatia y exigi pa e Director bay cas y pa e empleado keda cu su trabao. Mike Eman e ora a nombra e empleado aki como proyect-leider pa hener e construcion y renovacion di e hospital! No por culpa e persona aki pasobra ta imposibel pa un persona sin conocemento di un proyecto di tal magnitud, guia un proyecto BIYONARIO!

Sr. Mike Eman ta e causa directo cu awe, tur instancia kier  nombra nan propio proyect-leider den loke falta ainda pa termina e hospital cu kizas lo por keda cla na 2020!

No ta nada stranjo cu a actual Minister di Salubridad ta bisa cu e hospital ta un chaos. Loke si merece 5 strea ta e equipo profesional di enfermera/enfermeronan cu diariamente cu hopi carinjo y atencion ta percura pa esnan cu ta sufri di un of otro enfermedad mas pronto posibel haya nan salud atrobe. Nan ta e ” JOYANAN” di e hospital ! Tambe mester duna elogio na mediconan.

Tuma ehempel di e hospital completamente nobo na Corsow. Pa e suma cu e hospital di Aruba lo costa, na Corsow na lo por a contrui 2 hospital NOBO, cada un di 300 kamber.

E  Hospital Nobo Otrabanda lo tin casi e MESUN cantidad di cama cu esun di Aruba (300) y lo a ser construi pa 421 miyon florin. Despues e contratista a laga sa cu elo costa 200 miyon mas, pues total 621 miyon florin!

Imagina cu aki ta trata di casi 300 miyon MAS BARATA cu esun di Aruba. Asina mes Gobierno di Corsow ta questiona e aumento di 200 miyon aki y probablemente lo bin un Enquesta Parlamentario riba e 200 miyon extra aki! 

E Hospital Nobo Otrabanda ta un proyecto cu Gobierno di Corsow mes ta haci cu fondo Hulandes.

Kiko ta bay haci na Aruba? Keda keto y accepta tanto corupcion?  Ta bira tempo pa haci un investigacion profundo y pa Parlamento duna atencion debido y averigua si enberdad tur cos a bay sin ningun sorto di corupcion!   Ta spera cu e informacion unda a pidi TNO pa investgia hospital,  lo ta un informe erroneo. 

LEAVE A REPLY

Please enter your comment!
Please enter your name here