Aparicio # 3: Aparicio a pidi Chines Liang $ 1000 pe bay vakantie..

901

APARICIO A PIDI PLACA

E chofer di ex minister tambe a pidi placa.  Den grabacion di telefon, a tende ta pidi un Chines 1000 dollar pe biaha bay vakantie.

Hues a puntra Aparicio si e no a bay serca Liang pa busca placa y cerbez.

Aparicio a nenga hues, bisando no.

Hues a bisa Aparicio, cu el’a pidi 1000 dollar. Aparicio na su turno a contesta hues cu el’ a pidi Liang pa cambia mil dollar pe.

Segun Hues esey no tabata asina envista cu tin prueba. Hues a puntra Liang si ta asina. Liang a bisa cu Aparicio a pidi’e mil dollar pa Aparicio bay cu vakantie.

Hues a puntra si no ta asina cu Liang a pidi fabor di permiso pa haya ontheffing.

Segun Liang el’a pidi permiso pa haya ontehffing pa un trahador, pero  Aparicio tabata cu vakantie.

Segun Liang e no mester a paga pa e ontheffin. Hues a puntra pakico a financia vakantie di Aparicio. El’a bisa cu e conoce Aparicio hopi tempo y nan ta amigo.

Segun Liang, Aparicio a yude cu coriente y pesey a dune e placa.

Aparicio a bisa Hues cu e conoce Liang hopi tempo y a pidi’e pa cambia mil dollar. Hues a bisa cu esaki a crea e sospecho cu Aparicio ta envolvi den e corupcion di Paul.

 

 

LEAVE A REPLY

Please enter your comment!
Please enter your name here