Aparicio parti 2: Aparicio getap na telefon indicando Paul cu el’a deposita entotal 100 mil dollar riba su cuenta di credit card

1981

Durante e caso di Aparicio,  a bini hopi datosnan dilanti,  entre otro cu ta relaciona na tapmento di telefon, unda tabata scucha hopi conversacion, di e operacion fraudulento.

MALVERSACION

Hues a bay riba malversacion di Stichting, caminda Chofer Aparicio tabata malversa placa.

Aparicio tabata haya placa for di Capriles cu ta miembro di Stichting Paul Croes  y tabata hiba esaki pa Paul cu kende tabata usa e placa pa pone riba su creditcards.

Aparicio a admiti cu Paul tabata instrui Capriles pa traha cheque pa deposita riba creditcard di Paul. Aparicio a bisa cu nunca el’a pensa cu esaki ta algo malo. Aparicio a bisa Hues cu e ta kere cu e Stichting ta di Paul y no a pensa cu algo malo lo tabata tuma lugar, pasobra dor cu ta Stichting di Paul, ta paul ta donjo di e stichting y por usa e placa. 

Hues a remarca y a splica Aparicio, cu segun Fiscal e placa ta pertenece na e Stichting cual tin un meta special y no pa Paul coy placa, use personalmente ni tampoco pa riba su creditcard.

TAPMENTO DI TELEFON: 100 mil dollar

Fiscal a confronta Aparicio cu un combersacion 23 Dec. 2016 cu Paul. E conversacion ta relaciona cu un deposito di placa cu Aparicio a haci riba cuenta di Paul.

Aparicio a bisa Paul na telefon:  “Mi a deposita siman pasa mas cu 9 mil florin.”

Paul a contesta na telefon: :esey no ta corecto”.

Paul a bisa cu pa e holoshi Cartier el’a paga 1500 dollar y no a gasta tur e placa, indicando cu Aparicio no a cumpli of no a deposita e 9 mil florin.

Fiscal a sigui bisa cu Aparicio a bisa cu segun e, el’a deposita 100 mil dollar caba.

Paul a contesta: ” y lo bay bin mucho mas”

Hues a para keto na e conversacion aki y a puntra Aparicio kico e tin di bisa:

Aparicio a lanta su cabes, mira hues di schuins, y a bisa “esey tabata joke.”

Aparicio a sigui bisa:  “Mi no ta corda mucho bon.”

Fiscal a mustra cu Aparicio a wordo confronta cu combersacionnan y Aparicio bisa cu ta joke.

RELACION AMOROSO CU CHINES Y TIN E CHINES TUR KIBRA:

Tambe tin combersacion cu Dianna cu mester busca botter champanja serca Siem Mong. Aparicio a bisa cu Paul ta drumi/tene relacion sexual cu e Chines y tin e Chines tur kibra, cual por scucha den e grabacion. 

A puntra Aparicio kico e tin di bisa di e grabacion getap:  Aparicio a bisa cu asina ta su manera di papia.

Paul a haya oportunidad reacciona riba e grabacion telefonico aki.  Paul a lanta para y a bisa hues cu Fiscal ta mal interpreta totalmente e combersacionnan cu lo ta kibra un Chines.

Paul a bisa cu aki tin un relacion for di hopi tempo y no ta manera fiscal kier interpreta.

LEAVE A REPLY

Please enter your comment!
Please enter your name here