Aruba a conoce su di 4 morto den trafico diaranson mainta

422

Pa 8’or y 9 di mainta, Central ta wordo notifica di un accidente entre un auto y un brommer na altura di Ting Wei Supermarket, segun vocero interino di Cuerpo Policial, Liliana Rasmijn.

Patruya ta yega na e sitio di biaha y na unda cu ta pidi pa ambulance, mirando e situacion di e chauffeur di e brommer.

Por a bin compronde cu probablemente e Getz Blauw numera A-48943 lo mester a bay sortea na su man robes y na unda cu e no a ripara e brommer y e brommer numera MFA-1701 a bin dal den dje. A haya noticia cu e chauffeur di brommer a fayece.

Pa 9:08 di mainta dokter ta constata morto di e chauffeur di e brommer Rofles H. Liesdek naci 2 februari 1975 na Surinam. Esaki ta di cuatro morto den trafico pa aña 2019.

Na famianan di e fayecido ta extende nos palabranan di profundo condolencia.

LEAVE A REPLY

Please enter your comment!
Please enter your name here