Aruba Beach Club ta contrata Sr. Narshell Gibbs como nan Gerente General nobo

50

Aruba Beach Club ta contrata Sr. Narshell Gibbs como nan Gerente General nobo.

Oranjestad, 22 di Oktober 2019

Aruba Beach Club orguyosamente ta jama bonbini na un cara nobo den su Team di Maneho. Narshell Gibbs, naci na Aruba, lo tuma e posicion di Gerente General di e Club entrante 30 di Oktober 2019.

Despues di a gradua di Aruba Hotel School, Narshell ta jega na Aruba Beach Club cu mas di 20 aña di experiencia den e sector hotelero. E a cuminsa na un nivel basico progresando pa e nivel mediano den maneho y finalmente pa posicionnan clave den maneho ehecutivo.

Narshell su atencion pa detaye y su deseo pa mehoracion continuo di e index di satisfaccion di huesped, hunto cu su filosofia y pasion pa “duna e toke personal, no solamente na e huesped pero tambe na su coleganan”, ta den linea cu e mentalidad di henter e Team di Maneho di Aruba Beach Club.

Siendo e Promer Timeshare Resort di Caribe, Aruba Beach Club ta e ehempel tipico di e dicho: “Bo Cas leu di Cas”.

“Nos ta hopi entusiasma cu Sr. Gibbs ta join e Famia di Aruba Beach Club,” e President di e Hunta Directiva di e Asociacion, Sr. Kevin Foley, ta bisa. “Cu su experiencia, Sr. Gibbs lo juda pa hiba nos Resort na e siguiente nivel”.

Tocante Aruba Beach Club:

Aruba Beach Club, consistiendo di 131 kamber, a keda estableci na aña 1977 como e Promer Timeshare Resort di Caribe, cariciando un di Aruba su beachnan mas popular. Pa mas informacion tocante Aruba Beach Club por jama +297-524-3000 of bishita nos website http://www.arubabeachclub.net.

LEAVE A REPLY

Please enter your comment!
Please enter your name here