ARUBA INGOBERNABEL! Sindicatonan kier aumento di salario y CFT kier reduccion di gasto di personal

682

E siman cu a transcuri, Gobierno di Aruba a haya dos carta, cual ta na dos diferente extremo.     Un carta ta di CFT, cual ta urgi Gobierno pa duna un contesta pa reduci e gastonan di personal for di presupuesto, mientras e otro carta ta di Sindicatonan, kendenan ta exigi aumento di salario o sea aumenta e gasto di personal.

Gobierno awor ta sinta mei mei di dos extremo,  mei mei di dos carta, mei mei di dos precion.

Aruba ta gobernabel bao di e dos extremonan aki?

Analisis Carta di CFT;

Si nos analisa e carta di CFT,  nos por tin comprencion cu desde hopi anja caba nan ta bogando pa reduci e cantidad di empleadonan publico.   Den henter Caribe, Aruba te unico isla cu tin asina hopi hende cu ta den servicio di gobierno. Nos ta opina cu e carta di CFT ta corecto, unda mester reduci gasto di personal, pa asina e pais por haya un espacio pa sigui inverti.

Analis di e carta di Sindicatonan;

E carta di sindicatonan, e tono di e carta, e consideracionnan, ta laga hopi di desea.   Lidernan sindical Magaly Brito, Rene Bernabela, y e demas gruponan mas chikito a perde tur sorto di gevoel pa manda un carta cu indole narcista.

E carta ta splica bon cla, cu nan no tin cunes cu nada,  nan no ta worry cu nada, nan no ta importa cu ningun problema cu e pais ta hinca aden,  y cu solamente nan kier aumento di salario, pa cual nan kier un proposicion di Gobierno pa dia 26 di Juni proximo.

Solamente hendenan narcista, hendenan egoista,  hendenan cu no tin compacion cu e situacion cu AVP a laga e pais aden, por a presta nan mes pa firma un carta cu tal contendido.

Ademas, nan sa masha bon di e postura di CFT,  nan sa masha bon di e protocol cu a keda firma, nan sa tur tur parti di e storia cu a hinca Aruba unda e ta awe, y comosifuera nada,  nan ta laga sa di no ta importa y no tin cunes cu e problema di Aruba.

Den serio Brito y Bernabela por a firma un carta asina?

Cu e extremo di baha gasto di personal, e otro extremo pa subiele considerablemente,  e ora con pa sigui goberna Aruba?   Aruba ta ingobernabel?

LEAVE A REPLY

Please enter your comment!
Please enter your name here