Bodega di droga descubri na Paradera banda di speelschool opera pa Chines

2066

Diadomingo merdia autoridad a drenta un cas na Paradera, sitia riba caminda principal, pabao di retonde, situa banda di un speelschool.

E sospecho ta cu lo tin un fabrica y bodega di droga na sitio.

Ora cu e prome recherchenan a drenta, nan no por a kere nan wowo di mira un laboratorio sofestica pa procesa mata di marihuana.

Ademas e luga tabata carga “lata lata” cu marihuana y of otro substancianan di droga.

Autoridad a bay over na detene e responsabel pa e fabrica aki kende ta un Chines.

E cas aki, na anja 2004 mester a bira un bar/restaurant, pero ora cu bisinjanan a protesta, su permiso a wordo nenga y a wordo usa como un vivienda.

Tur cos ta mustra cu un Chines ta e cabesante di e operacionan ilegal aki pa cual el’a keda deteni. Despues cu a transporta e Chines pa warda di polis, na dado momento a manda buske bek pa trece atrobe na e cas. Esaki ta pa e por a habri demas kambernan den e cas cu tabata na candal y bon cera.  Lo tabata mas practico pa trece pa habri e portanan cu bay kibra esakinan.

Bisinjanan serca a bisa cu e cas ta un centro di droga y cu nan por tabata sa di antemano cu algo robes tin eynan na e cas.

Por compronde cu tabatin varios artefacto profesional y sofestica pa planta, lusnan special, y demas equiponan manera laboratorio pa procesa e marihuana.

No por descarta cu por a haya tambe otro sorto di droga manera cocaina, o cierto pildernan di xtc, etc.

Chinesnan den man di husticia:

Den ultimo anjanan tabatin un sin fin di caso unda Chinesnan a cuminza cay den man di husticia.

Te hasta un Banco Chines a keda desmantela cu tabata opera clandestino,  cu tabata laba placa y manda placa den exterior cu tabata vincula cu baho mundo.

 

 

LEAVE A REPLY

Please enter your comment!
Please enter your name here