BTW of OB tin riba mesa como belasting indirecto den e reforma fiscal

448

Minister Xiomara Ruiz-Maduro:  Decisionnan no a wordo tuma ainda pa loke ta reforma fiscal

Tin proyecta pa e drenta na vigor dia 1 di Januari 2020

Minister Xiomara Ruiz-Maduro, a indica cu decisionnan no a wordo tuma ainda pa loke ta reforma fiscal, pero si a indica kico tur lo bay bin pa Januari 2019 y kico lo pasa pa aña 2020.

Den e discusionnan y mas cu claro e ambision tabata pa dia 1 di Januari 2019, Aruba por tabata asina leu pa por conoce e reforma fiscal, pero realidad ta, cu esaki ta un ehercisio grandi cu ta pone e ora ey cu e parti mas grandi, pa bay di directo pa indirecto, tuma luga e ora dia 1 di Januari 2020.

Aki e ta brinda tempo pa no solamente Gobierno, pero muy en especial pa Aruba tin su totalidad, tin e tempo suficiente pa por ahusta na e cambionan di mas grandi, e ora cu ta bin, den e sistema di nos pais.

Pa awor aki, pa loke ta trata belasting indirecto, tin BBO y den e discusionnan aki berdad a bin dilanti, si ta BBO of si ta BTW of si ta un OB (Omzet belasting na Aruba) of si ta ABB cu a yega di scucha riba dje.

Mester bisa cu IMF mes, den su concepto, lo kier mira un BTW pa Aruba, pero den e mesun rosea nan a indica, no un BTW manera ta conoci na Hulanda, pero uno hopi mas simplifica unda cu no ta conoce tur e excepcionnan.

Esey ta locual ta haci e ley di Hulanda uno cu ta dificil y sigur pa Aruba. Si ta asina cu tin stemnan ta bay ariba pa locual ta bira e Omzetbelasting, manera cu conoce na Corsou y tambe por agrega cu no tabata tin den tur e discusionnan, no tabata tin sosten pa locual ta bira e ABB.

Awor aki locual cu tin riba mesa, si por mira bon, ta locual ta bira e ora e BBO of sino e OB y e BTW. E decision e ora lo mester ta pa un BTW cu lo ta simpel.

Decision no a wordo tuma ainda. Minister Ruiz-Maduro a indica na prensa durante e conferencia, a mustra tur esaki pa por tin un idea pa loke ta bay bira belastingnan indirecto den e pais.

E cambionan, ora cu kier bay over na por ehempel un OB of na un BTW, nan ta cambionan cu ta grandi. E tipo di cambionan aki no por realisa nan na tempo, pa nan por bay na vigor dia 1 di Januari. Pesey e tipo di cambionan aki, e parti di mas grandi, lo bin e ora na comienso di aña 2020.

 

LEAVE A REPLY

Please enter your comment!
Please enter your name here