BUELTA NOBO! Ilegalnan cu drenta via lama por pidi asilo

734

Diahuebs marduga personal di Guarda Costa a gara 9 homber riba un rif poco pafor na altura di Refineria. Tur 9 homber a keda deteni y a wordo pasa pa polis cu despues a pasa  nan pa Warda nos Costa pa sigui nan proceso pa  wordo deporta.

Buelta nobo!:

Sinembargo a bini un buelta nobo den e caso di entrada di ilegal via lama.  Loke tabata parce imposibel,  awor a bira posibel. Tur tempo, a crea e imprecion cu un persona cu kier pidi asilo, solamente por haciele na airport y asina cu e yega Aruba, na su entrada, e mester informa esaki. Tabata bao di e percepcion cu esnan cu yega Aruba den boto ilegal via lama, nunca lo por pidi un asilo.

Diripiente awor a bini un buelta nobo, unda cu Corte a dicidi cu e personanan aki lo por keda Aruba, debi cu nan lo pidi asilo, y mientras cu Gobierno ta trata nan peticion, nan por keda den libertad, cu e unico condicion cu nan mester meld tur dialuna na oficina di Warda nos Costa.

Minister Andin Bikker a informa via su Facebook; 

Minister di husiticia, a informa cu 13 persona for di un total di 14 cu a drenta Aruba recientemente via lama, por keda Aruba segun un desicion di huez. Esaki ta debi na un Tratado pa asilo data di anja 1967. Ayera Corte basicamente a dicidi cu 13 di e 14 persona cu yega tera recientemente for di Venezuela lo meste wordo laga den libertad cu meldplicht si nan aplica pa asilo. Esaki den lus di Tratado menciona y e ley di 2009.

Reaccion den Pueblo:

 

E noticia aki mas cu claro no a cay den bon tera den comunidad.  Manera ta conoci nos tin un comunidad cu ta hopi precupa pa cu e entrada masal di Venezolano, sin screening y sin control.  Por bisa cu tin hopi hende ta drenta Aruba sin tin concoimento di nan record. Tur esaki ta haci nos ilsa chikito mas vulnerabel na mas y mas cosnan malo.  Pueblo a reacciona masha negativo pa e noticia aki.

Centro pa aloja tur ilegal mientras ta spera un constesta riba asilo: 

Minister di Husitica a bisa cu el’o bay acelera tur peticion pa dentro di tiki dia por entrega contesta na e personanan aki.  Hopi ves nan no ta bini na remarca pa asilo, pero solamente kier usa e smoesje aki pa asina por keda Aruba pa algun dia.   Mientras cu ta bay acelera e peticionnan di asilo,  lo bay acomoda tur ilegal den Centro di Warda Nos Costa unda nan lo keda teni den e Centro enespera di un contesta.

 

LEAVE A REPLY

Please enter your comment!
Please enter your name here