Buleria y Rocco a wordo menasa durante nan presentacion di tumba na Curacao pa miembro di gang

2740

Riba e foto aki,  por mira cu durante di e presentacion di tumba na Curacao,  Rey di Tumba di Aruba a wordo menasa.

E foto ta mustra cu un homber a subi stage for di dilanti y a cana bay na Rocco y ta papia cune den su horea.

Tur cos lo tin di haber cu un problema di gang, unda un rapper lo ta wordo busca,  segun informacion cu nos a haya.

E homber a subi stage dos biaha.  E di prome ves el’a subi y exigi Rocco pa stop di canta.  Rocco a stop na e prome ves, e homber a baha bek.

Dje Rocco y Buleria a bolbe start e mes un cantica,  y aki e homber a bolbe subi stage.  Na di dos ocacion Rocco no a stop pero na un forma hopi decimula, Rocco tabata sa con pa sali for di e homber,  mientras cu tur otro hende a baha riba dje pa bahe abao.

E acto aki no a stroba Rocco di presenta su cancion, cual no tabata e tumba cu el’a participa, pero un otro cancion cu tabata wordo toca mientras tabata enespera di resultado di clasificacion.

E susedido aki a ocaciona cu mesora a pidi extra seguridad, vigilancia y escort pa e grupo Buleria pa hiba nan hotel y por mientras nan ta keda cu proteccion pa loke ta e final di tumba diasabra awor.

For di e grupo nos a haya cu: “tur hende ta oke”,  y nan lo sigui cu animo pa duna nan presentacion.

Un investigacion lo mester bay determina mas pronfundo, e motibo di actua asina drastico contra di Buleria y Rocco durante plento competencia den festival.

Solo di Pueblo ta sigui e desaroyo aki di serca y nos lo update e informacion cu drenta riba e pagina aki.

Informacion adicional: E problema ta relata na un cancion,  cu ta ofensivo pa cierto gang na Curacao, di cual e perosna ey ta forma parti, unda cu e y su gang, no ta gusta tal cantica.

 

 

LEAVE A REPLY

Please enter your comment!
Please enter your name here