Caso AVESTRUZ den pleno desaroyo y kizas un ora pa otro detencionnan por cuminsa cay

90

Parlamentario Endy Croes:

SUB: Na Sint Maarten tin Minister a wordo deteni

***“Caso AVESTRUZ den pleno desaroyo y kizas un ora pa otro detencionnan por cuminsa cay”

Parlamentario Endy Croes tin e pleno confianza den husticia y ta sigur cu Ministerio Publico sin ningun influencia politico ta trahando riba e caso AVESTRUZ esta e caso di corupcion den gran escala relaciona cu bendemento di tereno. Un clan di AVP den un forma organiza y structura tabata deal terenonan comercial cu amigonan di AVP kendenan momento nan ricibi optie cu bendicion di ex – minister di AVP Benny Sevinger ta bira bende esakinan pa miyones. Mayoria traspaso a pasa riba cuentanan sea na Miami of Panama y asina AVP a crea diferente miyonario chikito. Tur cos ta mustra cu E CAPO den e caso di AVESTRUZ ta e Parlamentario di AVP Benny Sevinger. Tambe tur cos ta mustra cu un ora pa otro detencionnan lo por cuminsa cay.

Culpabilidad di Paul Croes

Parlamento tin caba un mancha formal riba dje como cu ex – Presidente y ex – minister tambe di AVP, esta Paul Croes a wordo condena na 4 aña di prison y 10 aña cu e no por aparece riba ningun lista politico y no por funciona den aparato gubernamental. Paul a wordo haya culpabel di a bende alrededor di 2000 permiso, dunando ontheffing a cambio di hopi placa. Awor ta na turno un otro caso di corupcion cual indicacionnan ta mustra di ta mucho pero mucho mas grandi cu e corupcion di e caso di Paul Croes. Pa e motibo aki tambe Mike Eman kier cuminsa lanta cabez y a cuminsa usa su fiel ex – coordinadornan den compania di candidatonan pa asina purba mobiliza den San Nicolas recientemente pa kita atencion di e caso di Benny. Mike Eman y AVP cueste loke cueste kier crea disturbio pa trata na regresa den gobierno pa asina por pone un paro na e caso di Benny Sevinger.

Esun cu faya ta haya

Hopi ta esnan cu ta puntra dicon Mike Eman no a saca man mescos pa Paul Croes? Hmmm. Laga Mike Eman mes contesta esaki, Parlamentario Croes a sigui splica. Un cos ta sigur no a trata tur dos mescos. Tur dos ta corupto ta un hecho no mas cu un ta prueba door di un Huez y esun di dos lo bay wordo sentencia den futuro y asina haya su veredicto tambe alrespecto esaki. Parlamentario Croes ta termina bisando pa pueblo keda atento y sigui e casonan aki di cerca. No laga manipulacion di AVP unda nan kier bringa cueste loke cueste pa drenta gobierno pa nan por para e casonan aki. Aruba merece mucho mihor. Mike Eman y Benny Sevinger ta manera dos bonchi den un baliña kendenan hunto a desgracia e pais aki. Duna tempo tempo y tempo lo sa di huzga tur e coruptonan di AVP kendenan a destrosa nos baranca tan stima. Hopi caminda cu nos ta bishita nos por scucha comprension di pueblo pa e situacion cu nos a hereda y expresionnan fuerte constantemente di nunca pero nunca mas AVP. Esun cu faya ta haya!

 

LEAVE A REPLY

Please enter your comment!
Please enter your name here