Caso di coach deteni pa GNC: No a cambia maneho, sino a sigui maneho promulga for di Maart 2017

1188

Minister Andin Bikker: Caso di coach deteni pa GNC no ta un caso individual, sino un maneho promulga for di Maart 2017

E persona a aplica pa su permiso ya for di lunanan di antemano

E siman aki minister Andin Bikker ta spera di institui un comision di loke ta yama pa e vreemdelingen keten, esta e cadena di stranheria, cual lo bay sirbi pa e siguiente proposito.

Na momento cu Bikker a asumi e responsabilidad como minister, husticia na prome instante no tabata tin e tarea di DIMAS den dje.

Vreemdelingen keten a bin bao di Husticia, pero e ta rekeri hopi atencion. E minister a splica cu tabata kier un coordinacion entre e diensten. Por a experencia e fin di siman aki, cu DIMAS ta percura pa tramita permiso.

Guarda nos Costa ta percura pa control y a pa personanan cu no tin nan status na ordo y pa nan wordo deporta.

Los di esey, bao di maneho di minister Glenbert Croes, tine maneho di admision riba e mercado di labor pa prome biaha, y/of prolongacion.

Esey ta pone cu hopi biaha, por a ripara cu no tin coordinacion suficientemente optimal den e diestennan aki.

Esey ta pone cu e personanan, pa x permiso nan a aplica, pero nan a haya cu nan permiso a tarda pa wordo procesa, ora cu bin control cual ta haciendo severamente via Guarda nos Costa, ta haya cu aki aya personanan cu sin cu nan tin culpa, nan status no ta na ordo.
Den e casonan ey, entre otro fin di Augustus ultimo, corte a bisa Gobierno cu e persona envolvi, e no por yuda cu tabata tin tardansa. El a aplica na tempo, lunanan a pasa, pero e no a haya su permiso y e tin derecho riba dje.

Conforme maneho e lo a bin na remarca p’e. Esey a pasa den fin di siman, caminda cu tabata tin hopi conmosion.

Ta trata di un coach di deporte, cu a pidi for di cuminsamento di aña aplica pa un permiso. E gobierno anterior caba tabata tin un maneho cu nan a promulga na Maart 2017, specialmente pa coachnan di depore y deportistanan.

E condicionnan di e permiso ta bisa cu si un institucion di deporte na Aruba pidi pa tin un coach, nan lo por haya esaki. E persona aki no lo mester pasa e toets di labor. Nada mas e persona aki ta haya un permiso pa tres aña so y no mag di bin cu su famia.

Los di esey tin clubnan di deporte, manera di futbol, por haya te tres permiso pa deportistanan cu nan lo kier pa aparece den nan team.

Ta un gobernacion tin, signatura por cambia, pero un gobernacion ta un continuacion. Esey ta pone cu si tin un maneho promulga y pa x motibo tramitacion di permiso no a bay na e manera cu e mester a bay, e persona a hay’e cu el a aplica pa e permiso, e tin derecho riba e permiso a bahe di e maneho promulga y publica desde Maart 2017.

Ora cu e wordo deteni, den e caso aki door di Guarda nos Costa, ta bin un afweging cu si e persona aki, si e balansa pa deport’e y/of e balansa di dje personal pa por warda su permiso aki caba di wordo tramita, ta netamente loke corte ta haci y ta un caso cu gobierno a experencia.

Den e caso di dia 27 di Augustus, corte ta bisa cu den e balansa cu si deporta un persona cu no por yuda cu su aplicacion pa permiso no a wordo tramita na tempo y e balansa cu e tin pa ward’e, den e balansa eynan, corte a dicidi cu e persona ey no por ward’e.

Esey ta netamente loke a pasa den e fin di siman aki. A bay haci un analisis di kico a pasa cu e persona aki, kico ta e maneho cu a hereda, y a bin constata cu e persona no por yuda cu el a aplica varios luna caba di antemano pa e permiso aki.

Tabata tin un otro cos cu e no por a yuda cu door di e situacion na Venezuela, tin hopi dificultad, cual no ta un secreto, pa personanan haya cierto documentacionnan.

Sea apostiya etc. netamente e ora, su caso a tarda door cu cierto documentonan no por a wordo certifica di autoridadnan na Venezuela na tempo.

Esey no ta kita cu e persona aki lo a bin na remarca a base di e maneho promulga di 2017 caba, pasobra e maneho aki, ta uno cu ta bisa cu den casonan excepcional di maneho deporte, caminda cu gobierno anterior a introduci esaki pa coach y personanan cu lo kier participa den deporte te cu 3 permiso.

Esey ta loke a tuma luga. E minister ta lamenta cu ta wordo papia cu a core cambia maneho pa un caso individual.

 

LEAVE A REPLY

Please enter your comment!
Please enter your name here