Caso Ibis: Tin telefon tap cu Comerciante Velasquez Lopez tambe a haci pago pa ontheffing, pero den corte a purba camufla

662

VASQUEZ LOPEZ ta otro compania cu a presenta dilanti corte den e caso grandi di corupcion.  

Hues a puntra Sr. Vasquez Lopez cu como empresario di cuatro compania e mester trahadornan y tabata pidi pa permiso. Ta sospecha cu lo a paga Paul Croes pa haya permiso pa trahador.

Vasquez Lopez a bisa cu huescu no ta asina. El’a bisa cu 12 anja cu e tin negoshi e ta haci peticion. El a bisa cu e tin un asistente cu ta bay DPL cu ta sigui e proceso. Si e peticion wordo rechaza, DPL ta bisa cu e unico persona cu por yuda ta e minister di Labor. E por a compronde cu por haci un peticion na e minister.

Hues a bisa cu por conclui cu Vasquez Lopez tabata depende di Paul. Hues a mustra cu un di e trahadornan, Elias, 27 Mei 2016, Paul a duna dispensacion.

Na Juli 2016 ora cu e permiso a keda confirma, el a haci un deposito di 2500 florin riba cuenta di Stichting. Segun Vasquez Lopez, e tabata un casualidad cu a haci un aporte pa hubenil riba cuenta di Stichting di Paul, keriendo cu ta pa hubentud un torneo di bowling.

Hues a remarca cu e ta parce cu a paga pa e permiso keda regla. Hues a mustra cu pa dos otro trahadornan cu a wordo rechaza pa DPL, el a pidi Paul su ayudo. 24 Oct. 2016 Paul a bisa cu e lo check. 29 Oct. 2016 Selma Arends a yama Vasquez Lopez y bisa cu mester paga pa e dos productonan.

Vasquez Lopez a bisa cu ya a paga pa e productonan. Hues a bisa cu esaki ta crea e impresion cu ta paga pa e permisonan. Vasquez Lopez a bisa cu esey no ta asina.

Pues Vasquez Lopez a laba man di a paga, pero na un ocacion ela deposita 2500 florin y na otro ocacion ela paga pa “dos producto”.   Coincidencia cu ta dos ontheffing!!  ? !!

No ta descarta cu kier a camufla e pago, cual den otro casonan tambe a pasa cierto pagonan di cierto suma unda tin telefon tap, pero esnan envolvi kier purba na tur forma di laba man.

LEAVE A REPLY

Please enter your comment!
Please enter your name here