Chofer di Paul, Aparicio den corte part 1: Buscamento di caha di cerbes

1285

Diamars mainta corte a trata e caso di e chofer di Paul Croes, Sr. Aparicio. Aparicio mes a aparece den corte y tabata tende e acusacionnan den su contra, cobramento di placa na cantidad, como tambe grabacion di telefon tap, unda e tabata pidi placa y hiba permiso. Hues tabata mustra hopi skerpi,  debi cu na e hecho cu hues a bisa cu e no ta kere cu Aparicio no tabata sa kico ta pasando:

CASO APARICIO

Hues a cuminza su introduccion bisando cu Aparicio tabata chofer y bode di ex minister Paul Croes. Hues puntra yama Aparicio dilanti y a cuminza cu e prome pregunta:

“Sr. Aparicio, kico bo ta pensa di e acusacionnan cu tin den bo contra?”

Aparacio a lanta para y acudi na e microfono y a contesta huez cu e no tin nada di haci cu e acusacionnan di corupcion, malversacion di cual tin den su contra.

Hues a mustra hopi skerpi cu e contesta di Aparicio, y hues a bisa: Ta sospecha Paul Croes, bo hefe, di lo a haya placa pa duna ontheffing pa permiso y tambe haya cosnan material.

Hues a remarca cu no ta asina cu Aparicio no tin nada di haci cu esaki. Pues aki hues a rechasa e contesta di Aparicio y ne momento aki a cuminza drenta den profundidad di loke a descubri di Aparicio.

Hues a bisa Aparicio cu tin pruebanan suficiente y hopi cla cu Aparicio tabata busca cosnan y placa pa Paul.

Aparicio a accepta cu e tabata buscanan cosnan y placa pa Paul, pero segun Aparicio e tabata haci’e riba orden di Paul,  pero e no tabata sa cu esaki tabata pa i\ontheffing pa permiso.

Aparcio a sigui conta hues cu cada vez cu Paul mande haci cosnan tabata relaciona cu actividadnan di partido. Hues a menciona cu Aparicio a bay supermarket caminda a bay busca cahanan di cerbez sin cu mester a paga placa.

Hues a puntra Aparicio si e no ta haya esaki ta algo stranjo, cu cada ves ta bay tal supermarket y ta busca caha di cerbes?  Aparicio a contesta hues bisando cu e tabata haci loke Paul bis’e y e tabata kere cu Paul lo paga e cahanan di cerbes. Aparicio a sigui bisa cu  cu mayoria di politiconan ta haya sponser y esaki ta algo masha normal cu ta busca caha di cerbes.

Hues a bisa cu di banda di Ministerio Publico esaki no ta ok y no ta algo normal. Hues a bisa cu e ta haya cu Aparicio tabata sa kico tabata pasando.

 

 

LEAVE A REPLY

Please enter your comment!
Please enter your name here