Den un encuesta cu a wordo haci dor di Kantar, a bin sali na cla cu e pueblo Hulandes no ta desea pa Gobierno impone medidanan mas fuerte.

3/4 di poblacion (73%) ta para tras di e decision di Rutte y ta haya cu e medida ta suficiente.  E medida pa tene distancia di 1.5 meter ta wordo sosteni pa casi 100% di e encuestadonan. Apesar cu tur ta eens cu e medida di tene 1.5 meter di distancia, e compania a constata cu Hulandesnan no ta kedando paden. Nan ta sali masal y no ta tene distancia.

No obstante e coronacrisis unda cu ta pidi pa keda paden, Hulandesnan no ta gusta keda paden.Solamente 1/4 di poblacion a tene nan mes paden. Un cifra hopi abao.

E investigacion a bisa cu e Hulandes por ta mas precupa pa e salud di su bisinjanan cu su mes.

Lockdown – Toque de queda
Wilders y Baudet ta pidiendo di basta dia caba un lockdown completo, pero tin poco animo pa esey. Solamente 25% ta sostene pa un toque de queda.

37% no ta eens pa un toque de queda,  mientras cu 38% no tin un opinion y ta keda neutral.
Na Noord Brabant unda e virus ta asotando sin piedad, eynan si nan ta eens pa mas medida.

via de telegraaf/ Daniël van Dam

LEAVE A REPLY

Please enter your comment!
Please enter your name here