Despues di e caso di Web Nv, unda e grupo di riesgo di 13 persona a wordo poni den cuarentena na cas, e segundo punto di atencion ta un oficina di dokter di cas na Sanicolas.

Na e oficina aki, ta traha 3 dokter. Boderie, Wever y Giel. Dokter Giel a test positivo pa Covid-19.

Segun e epidemiologo a splica den e prome conferenecia di prensa, nan lo bay over na track tur persona cu tin contacto cu otro.

Den e scenario aki di oficina di dokter, no solamente tin personal cu ta traha directo, pero tambe tin pacient.

Calculacion: Si tuma un promedio abao di piramide, cu cada dokter a atende 10 pacient durante 5 dia, nos ta yega na 150 pacient. Si nos multiplica e pacient aki cu un famia na cas, ta bira 300 persona y si agrega 5 trahador y un famia, nos ta surpasa di 300 persona cu por ta den e grupo di riesgo.

Dvg lo mester ta hasiendo awor nan trabao pa contacta tur persona cu por a bin den contacto y pa pidi nan mantene cuarentena.

Nos ta spera cu diamars mainta DVG lo por duna un splicacion riba e caso aki pa asina aclara cualke confusion y logicamente pa nan duna e statement oficial.

Asina nos por mira con facil e virus ta plama. Dor cu e ta un virus cu hopi forsa, e ta bay tur caminda cu facilidad.

Pesey mes ta urgi tur hende: keda paden, keda cas, no sali si no ta necesario y laba man y proteha.

Nos por constata cu hopi hende ta tume na joke y ta pensa cu e virus lo no por yega cerca nan.

LEAVE A REPLY

Please enter your comment!
Please enter your name here