“Debe bieuw” entre Reimy Hernandis y Luis Maduro a escala te na tiramento

1244

Tur cos ta draai rond di un supuesto “debe bieuw” di un deal di scooter cu diasabra merdia a escala te na tiramento.

Reimy Hernandis a tira Luis Maduro den Dakota serca/den Caya Juancho Kock na Dakota.

Segun versionnan y informacionnan obteni;

Luis Maduro tin Reimy Hernandis “hura” di lo regla cuenta cune, unda te hasta lo a laga sa di lo tire pa e “debe bieuw” cu no a wordo paga.  No ta for di awor e dos hombernan aki tin problema y pa basta tempo tin tiramento di palabra di un pa otro.

Luis Maduro no ta un desconoci pa porta arma y tin record pa casonan di pasado.

Den un supuesto deal di scooter di hopi anja pasa, e placa lo no a wordo paga den su totalidad, segun Maduro.  Sinembargo segun Hernandis e scooter a wordo paga y e no debe nada.

Esaki te causa cu tin problema entre e dos hombernan aki.

Despues di a tira Luis Maduro diasabra merdia algun ves di cual tres bala a penetra, Hernandis a bandona situo y a busca un abogado pa asina entrega su mes.

Pa 5or hunto cu abogado Chris Lejuez, nan a acudi pa asina pone nan mes na disposicion di husticia.

Loke Reimy Hernandis lo “por” basa su mes riba dje, ta defensa propio, pa cual si e no a tira, kisas e lo a wordo tira.

E condicion di Maduro ta critico unda e tin 3 perforacion den curpa di bala.

Similaridad cu caso Camilo Sosa:

Na luna di September, Camilo Sosa a perde su bida,  den un alegacion tambe  riba “debe bieuw” di supuesto deal riba auto.   Aki Paskel a usa un schroefddaai pa hinca Sosa cual a ocaciona su morto.

Pues ta di dos caso cu nos ta haya e motibo ta “debe bieuw” cu ta escala e problema te na tiramento cual awor tin un victima cu ta den situacion critico.

LEAVE A REPLY

Please enter your comment!
Please enter your name here