Den reforma fiscal tin riba mesa pa aumenta invoerrechten y accijns riba cos dushi (sucu), Cerbes y Whiskey(alcohol) y Sigaria ( tabaco)

3361

Diahuebs mainta e titular di finansas, Minister Maduro, a anuncia cu nan ta anticipando y preparando e reforma fiscal segun e consehonan di IMF, pa cual entre nan tin e asina  yama “sin-tax”.

Sin-Tax ta enfoca tur producto cu ta malo pa comunidad of salud.   Den e caso aki sucu ta un producto cu ta causa hopi danjo y despues ta pone e peso riba AZV. Igual na alcohol y tabaco.

CUAL PRODUCTONAN LO WORDO AFECTA: 

Den e caso aki,  tur producto cu ta contente sucu lo conoce un subida di prijs,  manera “pan dushi”, pan bollo, tur sorto bolo, quesillo, ijscream, paki sucu mes,  tur sorto di sucu, blanco, bruin, probablemente juice, refresco.

Alcohol;  Accijns lo conoce un subida per cual alcohol lo bira mas caro.

Tabaco; Sigaria y tur productonan similar lo conoce un extra belasting na entrada di pais.

E conseho aki a bini di IMF,  y ta conoci como sin-taxes.    No ta un fenomeno desconoci, pa cual den e gobierno anterior, esaki tambe tabata riba mesa, pero a wordo cancela y no a bay door.

E pensamento ta cu mas caro e productonan aki bira,  menos e lo wordo consumi, of si e wordo consumi mes,  mas placa gobierno lo haya for di dje.  Sinembargo si e wordo consumi menos, e lo trece alivio pa AZV,  ya cu ta ingredientenan cu ta causa malo di salud.

E reunionnan riba reforma fiscal ta tumando lugar tur diahuebs cu varios departamento, unda ta haci ehercicionan y calulacionnan intensivo pa asina formula e belasting indirecto.

LEAVE A REPLY

Please enter your comment!
Please enter your name here