Detencion di Nelson Speed Andrade prolonga. Speed no a coopera pa contesta pregunta.

1272

Den hora di merdia,  banda di 1.or,  testigonan a mira cu Nelson Speed Andrade a wordo transporta den un van pa warda di polis na Noord.

Despues cu den careda di 7.or di mainta el”a wordo busca na su cas na Noord, unda el’a keda deteni,   den ora di merdia el’a wordo prolonga.

Informacion cu SOLO DI PUEBLO ta maneha y cu a wordo difundi na medionan local ta bisa cu e prome cuatro horanan, a pone Speed den un kamber frieuw.  A pidi un familiar pa trece un jacket pe.

E interogacion a cuminza mas laat den mainta,  sinembargo tur cos ta mustra cu Speed lo no a contesta mucho pregunta y of a haci uso di su derecho di mantene silencio.

Kisas esey por a conduci cu su detencion a wordo prolonga.

Hunto den e caso aki,  tin un polis tambe deteni,  Rasmijn,  kende aparentemente lo a facilita radio di polis.

Sinemabargo awe merdia na Canal 90, Patrick Paskel a bisa cu e radio encuestion cu ta wordo busca,  TA NA WARDA DI POLIS.   Pues e no ta den posicion di ningun empleado o colaborador di 24ora.com,  cual ta e medio awor cu ta bao investigacion.

Informe adicional cu nos a haya ta cu Partido AVP a yama un conferencia di prensa extra ordinario pa trata e asunto aki.   Esaki lo sosode pa 2.30 di atardi.

 

LEAVE A REPLY

Please enter your comment!
Please enter your name here