Dia 17 di Mei proximo, ban uni forsa y bisa Ta Basta na abuso di mucha

158

Yuri Bracho no ta un figura desconoci den comunidad. E ta un persona sumamente popular riba Facebook, y ta un influencer kende a sa di yama atencion pa organisa un manifestacion pa dia 17 di Mei proximo.

Tur esaki tin di haber cu e ultimo acontecimentonan rond di abuso di mucha, abuso sexual di mucha y tambe violacion di mucha.

All in all, e ta boga pa proteccion di nos muchanan y ta hacie awo den forma di un manifestacion cu ta sali for di riba Linear Park te cu Bestuurskantoor.

Durante di un entrevista cu nos director Edmond Croes, el a comenta cu el a dicidi di bin cu esaki door di tanto abuso, tanto comentario cu ta mira riba Facebook, como tambe ta haya hopi caso.

E tin hopi hende cu tin biaha ta bisa dicon nan no ta hiba nan caso dilanti. Pasobra si bay haci’e na Voogdijraad, tin biaha e trahadonan mes no ta sostene bo como mama, of como mayor di e mucha.

Of nan ta haci wega como si fuera cu nan ta polis. Pa e motibonan aki mes, el a haya cu ta basta. El a dicidi di bay riba su mes.

El a informa su mes na warda di polis na Playa y nan a bis’e cu e por haci’e y nan  a bis’e cu pa dia 17. 

Un di su puntonan ta, pa Parlamento, Gobierno di Aruba, bin cu e cambionan pa duna mas castigo, e ora hues no por ta flexibel, sino ta basa riba Staten ta bisa, cu ta duna e derecho na e personanan aki.

No cu den seis luna of dentro di un aña ta wak nan pafo caba y nan no ta wordo castiga of keda cera algun luna y ta cla pa bolbe haci y bolbe abusa di otro mucha.

 

Caso di dos mucha saca dor di Aruba:

Tambe Bracho tin e caso, cual a yega di adres’e anteriormente den un otro entrevista, cu tin un caso di dos mucha cu nan a wordo saca for di Aruba.

Via e consulado di Venezuela Bracho a wordo yuda hunto cu e mama. E muchanan a wordo saca manera cos cu nan ta culpabel di loke a sosode.

Nan no a haya e sosten di Voogdijraad, al contrario, nan a entrega na nan tata na Venezuela, siendo cu pa varios aña no ta worry cu nan.

Y e burdugu mes cu a comete e delito, cu tin tres aña of mas na Aruba, Guarda nos Costa a detene, JZP despues a haya sa cu e ta cera, cu e ta cla pa wordo deporta.

E persona aki ta profugo di husticia na Peru. E homber aki ta cana liber y ta haci transport di mucha. 

Bracho a menciona cu e tin varios prueba di loke el a trece p’adilanti.

 

E manifestacion mes

E manifestacion ta dia 17 di Mei, manera ya menciona, ta sali for di Linear Park, te cu Bestruurskantoor. Un di e rekisitonan cua pidi ta pa cada mama bin cu nan yiu, bin cu nan nieto, famia completo bin na e manifestacion.

Pa 5’or y mey ta sali for di Linear Park, saliendo despues pa bestuurskantoor y nan tin permiso pa keda te cu 7’or pa keda ey dilanti, pa asina tur minister y Parlamentario atende cu nan dilanti bestuurskantoor.

Bracho tin mester pa bin cu nan yiunan. Pa e mucha muhenan cana cu nan popchi y e mucha hombernan cana cu nan superheroe of algo cu e gusta. 

Esey ta pa mustra cu ta p’esey e muchanan tey. Pa nan wak cu ta mucha y cu loke nan mester den nan man, ta un coy hunga. 

Y no un man sushi pa bin maltrata, abusa y marcanan pa henter nan bida.

 

Specialistanan

Tabata tin un punto no mucho cla caminda cu e dokternan, e specialistanan, ora cu nan tuma nota di un caso di abuso sexual, si obligatoriamente nan tin cu informa polis.

Aparentemente esey no ta e caso, pa motibo cu nan tin un restrincion di secrecia medico, unda cu nan no por informa polis di un caso cu ta na nan conocemento.

Esey tambe ta algo sigur cu Bracho lo pone pa cambia e ley, na unda cu cualkier dokter cu tuma nota di un posibel caso di violacion cu por ta tumando luga cu su pashent, of cu a tuma nota di dje, cu e por divulga esaki na polis.

Bracho a agrega cu e mes a bay warda di polis, pasobra prome cu haci un manifestacion, no ta un coy loco.

El a bay warda di polis, y a trece e punto aki dilanti. Un agente a bis’e cu polis tin e poder pa haci’e, pero a bis’e cu tin hopi caso cu e mamanan ta bisa cu no, nan no ta haci’e, pa miedo of ta pasobra ta famia y nan kier sinti como sifuera cu gobierno mester purba di motiva, habri un luga manera un voogdijraad of pone un luga apart.

Lanta un management team of algo, pa riba e tatanan cu no ta duna alimentacion of algo y tin un otro banda cu ta cualifica pa instrui e mamanan cu esaki por y pa gobierno bin cu ecambio cu no ta solamente dokternan. 

Bracho tin keho cu te hasta di creche ta bisa, cu e mama ta obliga nan pa keda keto. Si e mama mes no ta bisa algo, dicon creche ta bay yama polis.

Despues nan ta bisa cu creche ta yama polis. Pa obliga cu por wordo castiga of persigui, si acaso mantene un secreto di un magnitud manera esaki, cual ta abuso di un mucha of menor di edad.

 

Invitacion

Un biaha mas Bracho ta haci un invitacion pa famianan completo, mama, tata, cu nan yiu chikito pa uni na e manifestacion aki, pa asina mustra e preocupacion cu tin pa loke ta abuso di mucha.

Pa haci’e mas leuk, por bin cu blaas roos y blauw, cu blanco. Esey tambe Bracho lo kier. Pero mas importante ta, pa bin cu e muchanan y mustra cu ta basta.

 

LEAVE A REPLY

Please enter your comment!
Please enter your name here