Dos persona deteni pa 10 dia inhustamente; Drive-by shooting Fatima College tabata invento di alumnonan

670
PPG_logo_CMYK10

PPG_logo_CMYK10

 

Drive-by shooting Fatima College tabata invento di alumnonan

Polis a cla cu e investigacion di e supuesto drive-by shooting riba 17 di oktober 2018 na haltura di Fatima College na Dakota. E dos personanan cu a wordo deteni relaciona cu e investigacion aki, a wordo poni den libertad entrante diasabra 27 di oktober ultimo.

Husticia no ta considera e dos personanan aki mas como sospechoso. E investigacion a mustra cu e tiroteo nunca no a tuma lugar y cu e declaracionnan di e testigonan no tabata basa riba berdad.

E tiroteo lo a sucede riba e diaranzon en cuestion alrededor di 7.30’or di mainta, caminda e chofer di e pick-up a tira cu un arma di candela desde e auto den direccion di e muchanan di scol. Polis a actua na forma decisivo y a detene e dos personanan riba respectivamente 19 y 20 di oktober 2018, basa riba declaracionnan di e alumnonan.

Investigacion mas leu a mustra sinembargo, cu e tiro cu e muchanan a scucha, tabata di e muffler di e pick-up cu a backfire, y no tabata ningun momento tiro di un arma di candela.

LEAVE A REPLY

Please enter your comment!
Please enter your name here