Den menos cu 12 hora, a sali dos testimonio dilanti, kendenan ta cuestiona e servicio cu nan a haya for di crisis team medico, esnan cu ta atende cu pacientnan regarando e coronavirus.

Ambos keho ta den mes un direccion, esta un servicio ineficiente a wordo duna, combina cu un tardansa grandi, unda no tin followup. 

Tur dos keho ta basa nan mes cu no tin follow up y no tin feedback for di e Call Center.

Pacientenan ta bira malo, ta bira desespera, ta keda yama e number pa pidi ayudo,  pero como contesta ta haya cu “nos ta yama bek”, pero nunca ta haya un yamada bek. Ora nan keda persisti, e ora ta haya un yamada bek, pero un yamada pa nan wordo trankilisa.

SOLO DI PUEBLO por compronde e situacion, esta cu esnan di e team medico cu ta atende e casonan por ta hopi druk,  pero si awor mes cu 8 pa 9 caso ta asina,  kico lo sosode si bini algun caso mas?

Durante conferencia di prensa dialuna merdia,  Sra. Jurrete Croes di DVG a bisa cu nan a tuma nota di e dos kehonan y nan lo ta atendiendo cu esaki internamente y a bisa di lo bini bek pa duna prensa un follow up.

Loke nos por a compronde ta cu e trabao ta birando mucho hopi y cu e team ainda ta forma di tiki hende.  Den caso asina, mester activa Rode Kruis, of otro sectornan medico pa cuminza comparti responsabilidad.   Laga un team keda monitor y duna follow up.

Den un di e testimonionan,  nan a dune contesta cu su test a sali negativo,  cual toch a duna e senjora un poco alivio,  pero despues di par di ora a yame pa informe cu e testa a sali positivo.

SOLO DI PUEBLO ta compronde si e precion cu tin den sector medio,  y ta desea pa nan por reinforsa nan grupo pa por tene e crisis aki bao di control.

LEAVE A REPLY

Please enter your comment!
Please enter your name here