Droga a somenta di warda di polis, berdad of falso?

792

Diabierna mainta Cuerpo policial a informa via un comunicado cu tres polis a wordo prohibi pa drenta tur warda di polis cual nos por conclui cu nan ta suspendi.

Ta trata aki di polisnan Dammers, De Mei y Werleman.  Tur tres ta traha na e seccion di narcotica SGC.

Kima droga:

Diabierna mainta tempran tabatin un movecion pisa di varios departamentonan di husticia, unda den un caravana di mas di 15 auto cu personal di husticia a transporta un cargacion di droga pa wordo kima.  E cargacion di droga ta loke a wordo confisca y ta wordo warda den un kluis.

Den un proceso asina, lo mester tin un lista di inventario y di peso di e droga.  Un fiscal di Ministerio Publico tambe lo mester companja e proceso aki unda aparentemente aki a bin descubri cu falta un cantidad di droga of cu e peso den documento no ta cuadra cu loke tin poni riba papel. Kico a pasa cu e cantidad cu falta?  Unda e droga ta?

Den gang di KPA, ta ser bisa un cantidad di mas cu 40 kilo a somenta, sinembargo ningun vocero oficial kier informa nada di e caso aki y ta mantene silencio hermetio.

Di bon fuente nos a bin haya tende cu por ta trata di “paper error” y nan kier clear out e asunto!

Ta trata di dos midden kader hopi integro, polisnan hopi hopi serio.

Es mas, un Onder Inspecteur y un Hoogdagent cu un record intachabel segun SOLO DI PUEBLO a compronde.

Kico preciso o con e “error riba papel” of e error di “calculator” ta hinca den otro, ta algo cu e polisnan mester splica y cual mas probabel lo por tin un serie di interogacion pa asina investiga e asunto.

Pues pa awor ta parce mucho tempran pa saca cualke conclucion y lo mester warda riba e investigacion termina.

Manera semper, tur canalnan oficial ta keto riba e caso aki y nos ta spera cu nan por trece informe oficial.

 

 

LEAVE A REPLY

Please enter your comment!
Please enter your name here