Edward Maduro presidente di SADA vs Ricky Croes director di Aduana; Director ta ataca presidente di sindicato

354
Aduana ta tene walk out diamars mainta 8.or pa reunion
Director Ricky Croes a ataca y menasa Edward Maduro, presidente di SADA
Director no kier absolutamente pa pueblo haya sa cu e ‘container scanner’ ta danja! 
Sindicato di Aduana, SADA, a presenta dialuna mainta 8.or na porta di Bestuurskantoor, pa asina pidi un reunion cu Minister.
Motibo di esaki ta pa un sorpesa, unda e director di Aduana, Sr. Ricky Croes, a raporta Sr. Edward Maduro,  presidente di Sindicato SADA,  debi na e hecho cu Sr. Maduro lo a saca cartanan secreto considera ‘dienst geheim’ den prensa.
Segun Sr. Maduro,  el’a bisa cu SADA ta atende cu tur loke tin di haber cu derecho di trahadornan. Enberdad a tin un rapport cu a wordo saca den prensa,  pero esaki no ta sin mas,  pero ora tin motibonan pa tal.
Sr. Edward Maduro a bisa cu loke Ricky Croes a haci ta algo hopi peligroso,  unda un director ta menasa empleado, pasobra el’a haci uso di su derecho pa sali na defensa di su miembronan.
Si nos permiti e sorto di menasanan aki,  kico lo bira manyan di otro departamentonan?
Sindicato di Aduana a bisa cu nan lo no bay accepta e accionnan aki di director Sr. Ricky Croes.
Pesey mes a acudi na bestuurskantoor pa asina informa minister Maduro,  cu diamars mainta pa 8or,  Aduana lo sali pa un reunion, durante ora di trabao,  pa asina consulta tur miembronan di SADA riba e acontesimiento,  pa asina haya un mandato cla di miembronan, unda lo no bay permiti pa Sr. Ricky Croes ta ataca sindicato, su presidente.
NO TA PROME BIAHA:
Mas leeuw Sr. Maduro a sigui bisa cu esaki no ta prome biaha cu Sr. Ricky Croes ta comporta su mes asina,  unda te hasta kier kita placa di miembronan di aduana, o miembronan di sindicato, ora cu nan mester acudi na un reunion, sea cu minister o parlamento.
Director di Aduana ta bisa cu e ta sigui regla,  pero parce cu tin cosnan mucho peor ta pasando den Aduana.
Ricky Croes kier atenta pa cose boca di sindicato y sindicato lo bo bay permiti esaki.
CONTAINER SCAN NO TA FUNNCIONA:
Den su carta pa hala antencion di Aduana,  Sr. Ricky Croes tambe a skirbi riba e container scan, unda cu SADA lo a trece na lus publico cu e containerscan no ta traha.
Director di Aduana ta considera esaki como un secreto di trabao unda cu Maduro no tabatin tin mag di trece esaki na conocimento di pueblo.
PRESIDENTE DI SINDICATO VS EMPLEADO:
Sr. Maduro a bisa cu den su titulo como presidente di sindicato, e tin un veld mas amplio pa por trece cualkier precupacion den Aduana.   Aki Sr. Ricky Croes ta equiboca su mes kisas y ta midi e funccion di empleado,  pero a lubida completamente cu aki tin un funccion di presidente di SIndicato.
Ta un derecho di Sindicato pa expresa tur precupacion.   Si no por expresa,  kico mester haci?  Bay sinta bao di un palo di kwihi?   Ta pregunta cu Edward Maduro a haci.
Diamars mainta pa 8.or,   tur miembro di sindicato,  tur Douanera cu pension, tur ta bon bini pa bin duna sosten pa contra aresta e actitud di director, cual ta wordo rechasa.

LEAVE A REPLY

Please enter your comment!
Please enter your name here