El Pollo ta wordo acusa pa trafica 5600 kilo pa Merca y ta dispuesto pa colabora sin reserva

841

Ex General Chavista, Hugo Carvajal, actualmente cera den un prison na Spaña, despues di a wordo deteni na luna April na Madrid, a segura diamars cu e lo colabora sin ningun reserva cu Husticia di Spaña.

Den un comunicado cu e general Chavista Hugo Carvajal, “El Pollo” a manda pa agencia di noticia EFE, el’a expresa su confianza den e hueznan Spaño, indepeniente y profesional, despues cu dialuna a suspende su declaracion den un Audiencia Nacional den corte debi cu el’a cambia di abogado.

Hugo Carvajal, El Pollo, na 2014 a keda nombra como consul na Aruba pa Venezuela unda el’a wordo deteni, pero despues a wordo laga den libertad, debi cu el’a drenta Aruba cu imunidad di consul, unda Aruba y Hulanda a faya pa atende su documentonan na tempo.

Durante di Gobierno di Hugo Chaves,  El Pollo tabata hefe di contrainteligencia militar di Venezuela y desde e tempo ey e ta wordo pidi dor di Merca, acusa di a participa den un traficacion di droga pa Merca di nada menos cu 5.600 Kilo di cocaina, cual carga di cocaina nunca a drenta Merca, debi cu el’a keda pega na Mexico dor di problema techinico di e avion cu mester a transporte.

Na 2014 tambe a circula un foto di Hugo El Pollo Carvajal cu ex minister Mike de Meza, sinta den un restaurant na Aruba.  Segun de Meza e tabata conversa pa habri bek e refineria. Na e mes un mesa tambe tabata sinta Roberto Rincon, kende tambe a wordo deteni y procesa pa soborno y corupcion na Merca.

Despues cu Carvajal a keda deteni, ela presenta den corte dilanti huez Alejandro Abascal y a afirma cu e recalmo di Merca ta basa riba acusacionnan falso y ta motiva politicamente.

Carvjal a bisa den e comunicado cu e ta analisando e motibonan cu Merca ta pidi su extradicion den un colaboracion estrecho cu su equipo di abogado.

“Como diputado legitimo di Asamblea Nacional di Venezuela y como persona cu conocimentonan profundo di hopi casonan riba e structura di e funcionamento criminal di Gobierno ilegal di Nicolas Maduro, mi ta reitera mi apoyo na e presidente legitimo encarga cu Venezuela, Juan Guaido”, su comunicado ta bisa.

Carvajal a bisa cu e ta pone su confiansa den hueznan Spaño, independiente y profesional, di cual e lo colabora cu nan totalmente sin ningun reserva o condicion.

LEAVE A REPLY

Please enter your comment!
Please enter your name here