Estudio nobo na Inglatera a conclui: Incinerator pa kima sushi ta devastador pa medio ambiente.

239

Un rapport recien fecha October 2018 na Inglatera ta bisa cu kima sushi den incenerator ta devastador pa medio ambiente.

Estudio riba cambio climatico a haya como resultado cu kimamaneto di sushi (incinerator) ta basura: Ta hora pa stop cu incinerator

Relaciona cu e intencion di Gobierno di Aruba pa cuida medio ambiente, unda den un comunicado di prensa diadomingo atardi, nan a anuncia di lo bay prohibi plastic y foam box, pa concidencia nos redaccion a haya un rapport nobo riba un investigacion riba proyectonan di incinerators na Inglatera cu ta devastador pa medio ambiente.

Na e momento aki, Gobierno di Aruba ta atendiendo cu un projecto cu lo costa nos pais  150 pa 200 miyon florin pa adkeri un machinde ‘incinerator’ pa asina procesa sushi dor di kima sushi.

E rapoort ta bisa  cu un incinerator ta emiti mucho mucho mas CO2 den aire, contaminando nos medio ambiente teriblemente.

E ora nos ta haci e pregunta: Di un banda gobierno a anuncia awe di ta masha precupa cu plastic, foam box etc, pero Gobierno ta na altura di e resultadonan nobo riba incinerator, cual rapport tin un solo conclucion:  BAN STOP INCINERATOR!   cu ta haci danjo grandi na medio ambiente y ta influencia e cambio climatico?

Nos ta consequent den nos accionnan?

Aki SOLO DI PUEBLO ta publica e conclucionan di e rapport, asina pueblo mes por lesa con malo e incinerator ta, y ta netamente esaki ta loke cu gobierno ta
bezig cune.

Inglatera sin incinerator Network (UKWIN) a lansa e siman aki un rapport cu ta elaobra riba e impacto di cambio di clima y e procesamento di sushi via incinerator na Inglatera.
E rapport di October 2018, cu 56-pagina, a duna como resultado cu den 2017, cu tur e 42 incineratornan na Inglatera a emiti hunto un total di casi 11 miyon ton di CO2.
Rond di 5 miyon ton di e CO2 a wordo emiti via incineracion di materialnan fosil manera plastic.

E 5 miyon ton di fosil CO2 cu a wordo emiti pa e incineratornan di Inglatera na 2017, ta estima un gasto cu no a wordo paga di mas o menos 325 miyon britih pounds.

E rapport a pone enfasis riba un otro forma cu plastic ta danjando nos medio ambiente, ora companianan di procesa sushi ta laga contaminacion bay den aire, y sin cu nan ta paga nan “fair share”  pa e danjo cilimatico cu nan ta causando.

E estudio ta bisa cu pa e proximo 30 anja, e gasto total pa sociedad pa e emision di fosil CO2, dor di e actual incineratornan di Inglatera, ta igual na mas di 25 miyon pounds di danjo, cual ta bini di e emicion di mas o menos 205 miyon ton di fosil CO2.

Cada ton di plastic incinera, ta resulta den e release di 1.43 ton di CO2. Di acuerdo cu e rapport, un inicinertor tipico traha na 2020, lo emiti 2.8 miyon ton do fossil CO2,
den su 30 anja di bida.

Hasta ora cu incineratornan di coriente wordo tuma den consideracion, esaki ta equivalente pa emiti 1.6 miyon ton di CO2 mas, cu si manda e mes un sushi pa lanffill.
Josh Down, Coordindador di United Kingdom Without Incineration Network a bisa: E estudo a mustra cu sushedad ta un basura ora di convertiele den energia.

Kimando cantidad grandi di plastics, ta duna apenas un cantidad masha chikito di coriente cu ta bini cu un danjo climatico grandi y gastonan grandi.
Pa agrega poco mas den e herida, esnan cu ta gana di waste incineration, no ta pagando pa e danjo gigante cu nan ta causando sociedad pa emiti tur e gasnan danjino. Dowen
a sigui bisa: E impacto di e danjo climatico di incineration, ta hopi pio cu landfill. Ta ora pa stop cu incinerator.

Loke cu Inglatera ta conclui: TA HORA PA STOP CU INCINERATOR, cu ta cuasa danjo irreparabel na nos medio ambiente, ta netamente loke nos Gobierno ta candando e proceso.
Lo ta bon pa Gobierno por emiti un reaccion riba e rapport aki y con nan ta mira e situacion cu di un banda nan ta boga pa salba medio ambiente y cambio climatico, pero di
otro banda nan ta den un direccion net lo contrario.

LEAVE A REPLY

Please enter your comment!
Please enter your name here