Fiscal: Minister Paul Croes a haci cosnan cu no ta cuadra y tin yamadanan scucha unda a ricibi placa

855

Dialuna mainta e acusacionnan contra di ex Minister Paul Croes a bira conoci.   Fiscal a hiba palabra y a trece dilanti loke ta e exigencianan y loke ta wordo spera di un persona cu ocupa funccion di minister.

Fiscal a bisa cu un cuidadano mester confia den Gobierno.  Gobierno mester haci un trabao corecto y imparcial.  No ta tur ambtenaar y funcionarionan of ministernan ta atene nan mes na reglanan.  Minister den e caso aki, esta Paul Croes, a haci cosnan cu no ta cuadra.  Ta sospecha Paul di a faborece amistandnan y esaki a causa e investigacion cu a haya e nomber di Caso Ibis, cu un total di 23 caso penal.  A interoga un cantidad di persona.  A tene un cantidad di razia.  Dor di no kier a copera cu e investigacion, a causa hopi trabao.

Pa loke ta Paul Croes, e ta wordo sospecha di a haci cosnan contra ley, pa pago.   Tin yamadanan scucha caminda Paul Croes lo a ricibi placa.  Tambe a scucha personanan cu lo tabata haci servicionan di permiso. Ademas tin riba mesa cu a malversa placa di un Stichting.

 

LEAVE A REPLY

Please enter your comment!
Please enter your name here