Gobierno falta pa duna confiansa den pueblo, mester splica plannan econmico mihor pa asina pueblo por tin confiansa pa gasta nan placa

125

Setty Yarsagaray di MEP:

Gobierno falta pa duna confiansa den pueblo, mester splica plannan econmico mihor pa asina pueblo por tin confiansa pa gasta nan placa

Tin bon noticia riba crecimento economico di 2017 cual a concretisa den 2.3%

Den un reuda di prensa, Parlamentario di MEP, Sra. Setty Yarsagaray a elabora riba algun rapport nobo cu Banco Central a emiti.  Ta trata e rapportnan di October 2018 di  Economic Outlook 2018 – 2019 como tambe e ahuste di e crecimento economico di anja 2017.

Den 2017 economia a wordo ahusta cu 1.1%.  Anteriormente a pronostica cu economia lo crece cu 1.2%,  pero awor dor di ahuste,  1.1% ta bini aserca pa un total di  2.3%. Naturalmente ta bini factor,  e parti cu a ocaciona e crecimento den su mayoria ta servicio na turista.  Loke a cay atras ta inversionnan planea,  cu aworaki ta sufriendo poco tardansa.  Mirando e hecho cu gobierno no a tuma e apertrura di refineria, e no tin efecto riba loke gobierno ta pronostica.

E inversionnan a hunga un rol, pero tambe consumo a cay un poco,  pa asina haci cu ta turismo ta cambiando e peso di economia.

CRECIMENTO ECONOMICO 2018:   -0.5%

Pa 2018,  tin otro pronostico hopi alentardor:  Nan ta pensa cu trend por sigui y ta ahusta esaki. Pa awor e pronostico ta 0.5% negativo.  Esaki ta riba margen real.  Na 2019 nan ta pronostica e crecimento di 0.1% di real gdp.   Contrario na Banco Central, Gobierno ta enfoca un crecimento di 1% pa anja.

Parlamentario Setty Yarsagaray e finalisa su rueda cu n mensahe:  Gobierno falta pa duna confiansa eyfo, den pueblo. Consumo tambe a baha.   Na 2018 a introduci un crisis heffing y pueblo ta bira cauteloso con e ta gasta su placa.  Toch a surti un bon noticia cu na 2017 a surgi un crecimento.

Gobierno ta bay concentra riba purba crece economi riba e parti margen nomninal  di 1%.   Di parti parlamentario  Yarsagaray ta urgi Gobierno pa splica su plannan mihor, pa asina pueblo por tin mas confiransa cu nan por gasta nan placa y invesrionsitanan por inverti, pasobra e esfera mester ta positivo pa hende por pensa pa gasta nan placa.

 

LEAVE A REPLY

Please enter your comment!
Please enter your name here