Gran Interes pa e Refineria di Corsou

178

Dia cuerdo cu un press release emiti pa gobierno di Corsou, e asina yama "non-disclosure
agreement" cu a wordo firma entre 15 partido interesa y e compania publico Refineria di
Korsou, pa sigura e continuacion di e refineria te cu final di 2019.
Den menos cu dos luna, na comienso di September, lo bay ta cla cua candidato lo ta esun
mas adecua. Un seleccion transparente y cla lo ta di esaki, manera anuncia. Na comienso di
October, esaki lo tin como resultado den e firmamento di un MOU.
"Mientras tanto cada esfuerso tambe lo wordo haci pa tin un "High quality investor's data
package" cla pa e partner strategico kende lo kier tuma encargo di e condicionnan,
operacionnan di e negoshi y e modernisacion di e refineria despues di final di Augustus." E
press release ta indica cu na fin di e aña aki lo bay ta cla cua compania lo sigui cu e refineria
despues di 2019. Y den e di dos cuartal di 2019 un acuerdo lo wordo firma pa esaki."
Diescinco partido selecta awo ta drenta den e trayecto di inventarisacion y identificacion.
Esaki ta envolvi un periodo intensivo durante cual e companianan por haya mas informacion
riba e refineria di Corsou den un asina yama "virtual data room", pero instalacionnan tambe
por wordo bishita y preguntanan contesta. Na e mesun momento, RdK, asisti pa IHS Markit,
lo screen e companianan atrabes di due diligence y negociacionnan lo cuminsa. RdK a
splica cu PDVSA, kende actualmente ta opera e refineria, ta habri pa un di tres partido te cu
fin di 2019. "PDVSA ta importante den e buskeda di un di tres partido y ta pa e motibo ey
nos kier sigui pronto cu e dialogo cu a cuminsa recientemente na Caracas."
E press release tambe ta mustra cu e proceso aki, gobierno y RdK ainda ta riba schedule.
Pa e buskeda di un di tres partido, e asina yama proyecto "Awarak", cu awo ta pa garantisa
e continuacion di e refineria, un pakete di informacion a wordo manda na alrededor di 90
compania riba dia 25 di Juni. Prome cu deadline di dia 9 di Juli, un total di 22 compania a
mustra interes, 15 di cual awo a wordo selecta. Entre e 15 partidonan interesado, tin un
diversidad di compania y consorcio cu ta haci refinamento, mercadeo di productonan di
petroleo of ta fungi como broker.

LEAVE A REPLY

Please enter your comment!
Please enter your name here