Homber agredi den pelea pa a pishi na auto di hende

573

Diadomingo anochi a sosode un incidente parti pafor di un restaurant di bende arepa na Tanki Leendert.

Un homber burachi a haya ta bon pa bay para pishi na auto di hende.

E donjo cu a mira esaki no a tuma e falt’i respect aki y a bay pa hala su atencion.

Sinembargo e homber burachi a bira agresivo y a cuminza un pelea.

Te hasta un pati cabra a bin cay den wega, pero esnan den vidindario a kita esaki na tempo.

Den e pelea algun mokete a cay y un homber a wordo agredi cu mokete den su cara causando plekinan blauw na su cara.

Polis a presenta y a detene e agresor mientras e victima a bay hospital pa wordo atendi.

No ta conoci si polis a duna un boet na esun cu a pishi riba caminda publico, ya cu esaki ta prohibi den ley.   Es decir cu ta na su lugar pa polis usa e ley corespondiente pa for once and for all pone un fin na e actitud aki di orina riba caminda publico y mas pio ainda na auto di hende.

Tur dos persona envolvi den e caso aki ta buitenlander bibanndo na Aruba.

 

 

 

 

LEAVE A REPLY

Please enter your comment!
Please enter your name here