AUDIO:  25-03-2020 – Alan Howell na Den Noticiero Dinamico na Top 95 fm

Diamars parlamento di Aruba a trata presupuesto di aña 2020.  Durante di e reunion, Parlamentario di POR, Sr. Alan Howell a entrega un mocion unda ta pidi pa tur minister y tur parlamentario entrega 1000 florin pa 3 luna pa asina cuminza duna yudansa na tur esnan cu a perde trabao pa causa di coronacrisis. E mocion aki a wordo rechasa pa MEP y RED, pero si a wordo sosteni dor di AVP y Parlamentario independiente Sra. Daphne Lejuez.

E mocion di Alan Howell lo nifica 21 parlamentario y 9 Minister pa un total di 30 persona, entregando 1000 florin pa 3 luna, ta bira un pot di Afl. 90.000.00.

Alan Howell a declara na TOP 95 FM:

Nos di POR a presenta un mocion caminda nos a sinti cu ta sali di nos curazon pensando cu e ta un mocion cu nos lo haya aprobacion mirando e situacion cu nos ta pasando aden, mirando cu esaki te momento pa ta solidario cu pueblo. Gobierno y parlamento ta grita pa solidaridad.   Mama y tata a bay cas den e coronacrisis y ainda e pakete special mester wordo regla, pasobra te awor no tin placa den pot, pa yuda esnan cu a perde trabao.

Gobierno a pidi comerciantenan y banconan pa pone nan input pa tira awa den biña pa bringa e crisis aki.  Fraccion di POR ta sinti, cu gobierno y parlamento ta pidi pa tur hende hala faha mara y copera, anto Fraccion di POR ta sinti cu esunnan promer cu mester duna ehempel ta parlamentarionan y ministernan.

Nos mocion ta propone pa tur parlamementario y minister  entrega/contribui cu 1000 florin for di nan salario, pa tres luna.  Esaki ta bira casi 100 mil florin.

Sr. Howell a sigui bisa: Mi a mira fraccion di MEP a bay den calculacion, cu esaki ta representa 0.00% di e begroting.  Mi no sa mes pakico nan mester a bay te eynan, pasobra esey no te punto cardinal.  E punto carindal ta e hecho y gesto, pa duna respet na pueblo, pa mustra cu parlamento completo y tur minister ta solidario cu loke ta pasando riba nos pais. Ta facil pa bisa otro persona pa haci otro cos, pero hecho ta conta.  Nos mester a mustra pueblo cu nos ta solidario, cu nos tambe ta contirbui pa haci un sacrificio.  Awor a yega ora pa cierto hende mes saca poco cen. Mi a haya yamada di hendenan cu ta felicitami pa e proposicion, pero nan kemen cu 1000 ta poco, e mester tabata mas.

–Kico a pasa ayera?
Mi propio coleganan a hera matami den parlamento,  segun Howell a bisa.

Ta bon mes cu e no tabata mas,  pasobra tur hende por a wak ta ki disaster nan a haci ayera den paralemento pa contribui 1000 florin.  Si bo conta tur parlamentarionan y ministernan, esaki lo a yega 100 mil florin y hopi mama cu tata di famia lo por a come for di e pot ey. No te intencion pa haci desunion aworaki.

Un cos mester sa, or abo traha como parlamentario, bo ta represtentante di pueblo, ta pueblo cu Dios.  Pueblo mester bay husga, kico nan a haci ayera.

Segun fraccion di MEP, 3 luna ta demasiado cortico,  ademas Gobierno ta studiando pa entrega hopi mas cu 1000 florin:

Howel a contesta: Esakinan ta escusa, pa no copera.  Gobierno ta Gobierno. Parlamento ta Parlamento. Ta gradici parl. Daphne Lejuez cu a firma su sosten na e mocion aki, como tambe esnan di AVP cu a voto pro pa dos mocion.

Tristo ta, mi a mira e begroting mes, cu e tema di mas importante, bo tin un persona di fraccion di MEP cu a sali papia.  Pero pa purba desbarata,  style pelicula, hende no por kere, a usa tur parlamentario pa Sali papia pa bin caba cumi pa cu e mocion.

E mocion ta un gesto pa pueblo. Aki nan mester a mustra cu nan ta un democrata social.  Ta mescos cu ehempel: Un yiu ta pidi un tata pichiri:  Papa bo por cumpra e auto bieuw aki pami? E tata ta contesta: E auto ta bieuw, no wory mi yiu, aki tres luna papa ta cumpra un auto nobo 2021 pabo.  Bo sa bon bon cu papa ta pichiri.

Storia e cosnan aki ta.  Si nan no por a saca ni mil florin pa luna di nan salario, mi lo kier wak nan saca mas.   E unico manera cu nan saca, ta ora Gobierno bin cu medida y cu tur hende y tur ambtenaar tin cu bay saca.  E ora ey bo ta too late.

Ta awor aki bo mester a saca, y no warda te ora cu tur hende tin cu bay saca. Mester a mustra cu nos ta lidernan den comunidad.  Nos mester a entrega 1000 florin pa luna.  Un parlamentario ta gana 10 mil florin pa luna.  Bo cobra 4 aña, ta casi yega 500 mil florin. Ningun hende a studia pa bira parlamentario ni bira minister. Ta pueblo a dunabo e ponebo eynan y dunabo e salario.

Den tempo di crisis, un tempo cu pueblo mester mas dibo, bo no por duna 3000 florin? Ta hopi tristo esey ta.

Mi a haci mi maximo esfuerso!  Oposicion a habri nan curazon, bisa cu nan ta cla pa contribui,  pero mes coalicion, ora di bay saco, pa motibonan personal no kier saca 1000 florin.

—Con bo ta sinti?

Mi ta sintimi great, loke a pasa ayera ta tristo. Ma lanta den famia humilde.  Mi tata a sinjami norma y balor y a sinjami tres principio importante:  Do the right thing,  Do your Best, and Always Show people you care. Ayeranochi mi a drumi bon. Ami a haci loke mi mester a haci como representante di pueblo. Mi colega Dianira tambe a demonstra esey.  Mi no sa con fraccion di MEP a drumi ayera.

–Lo strobe e relacion di coalicion?

Laga Gobierno cay, fraccion di MEP y RED no a sostene e mocionnan ta cos di mucha chikito,  cu nan a bin cu tonelada di escusa, yamami pa tur tipo di nomber den parlamento, just pasobra cu nan no kier a contribui cu 1000 florin pa luna?   Ami ta laga esaki pa pueblo mes husga.  Despues di reunion, ma saluda Minpres, ma cuminda tur colega di MEP, ma cuminda di RED y esunan di AVP a bay tempran, y ma marcha bay mi cas, cu e respet cu nan a sinjami na cas.

Tin biaha tin envidia, ta fastioso cu ta abo a bin cune y cu nan no a bin cune. Nan tin cu saca nan soma di dje.  Mi no ta rabia cu ningun di nan. Ora cu e momento yega, ta pueblo ta husgabo bek atrobe.

LEAVE A REPLY

Please enter your comment!
Please enter your name here