Huez a anula decision di Minister Lampe; Rosana van Dijk mester haya tur acceso pa sigui como hefe di Centro Multidiciplinario

545

Dia 27 di Augustus 2018, Minister Rudy Lampe a firma un desicion unda e ta kita Sra Rosana van Dijk como hefe di Centro Multidiciplinario.   Huez a dicta awe cu el’a actua robes, sin base,  y a kibra su decision.

Centro Multidiciplinario ta un seccion di school cu ta atende cu muchanan cu por sinja pero cu mester extra atencion.

Desde 2016 tin conseho di DRH pa Sra Van Dijk bira e hefe, enbista cu e ta actuando como hefe, pero sin un benoeming oficial.

Dia 27 di Augustus Minister Lampe a informa den un carta cu e tin un vision nobo y pesey ta move Van Dijk.

Van Dijk ta di opinion cu e motivacion di Lampe ta hopi swak, pasobra nunca el’a nenga di traha cu vision di Lampe, no mas cu nunca Lampe a informa kico lo ta su vision.

Lampe no por a prueba cu el’a informa Van Dijk di un vision nobo.

Como tal, cu Lampe tin hopi chens di perde den un caso “bodem procedure”, huez a dicta pa pone Van Dijk bek na trabao awe mes.

Desde awe Liane Lejuez De Cuba mester entrega tur yabi bek na Van Dijk pe sigui como hefe di e centro.

LEAVE A REPLY

Please enter your comment!
Please enter your name here