Huez a confronta Paul Croes cu declaracion di testigonan kendenan a paga pa haya permiso: Paul a nenga di a ricibi placa pa permiso

1638

Durante tratamento di e caso Ibis den corte, huez a yega tambe ne e punto mas principal di e caso,  esta unda a cobra of ricibi placa pa otorga permiso pa trahador stranhero.

Huez a repasa profundamente e kehonan di fiscal y a scucha Paul su palabranan.

PAGO PA PERMISO

Hues a puntra Paul si no tabatin pagonan pa haya dispensacion ( ontheffing). Paul  na su turno a desmenti esaki, esta di a ricibi placa pa ontheffing.

Hues a mustra cu tin varios sospechoso manera Schwengle, kende a duna declaracion amplio cu el’a paga pa haya permiso pa trahador stranhero.

Hues a bisa cu segun maneho cu den casonan excepcional lo a duna ontheffing.  Paul Croes a rechasa e alegacion haci dor di huez y fiscal. “”E no ta manera fiscal kier pinte””.  El’a bisa cu e dunamento di ontheffing tabata poco. Tabatin dispensacion cu no ta cay bao di dje. Un persona cu bin pa pasa pasantia, un musico cu ta bin toca ta otro. Segun Paul den comienzo e tabata hopi pero despues esaki a baha bira poco.

Hues a remarca cu si mira e maneho, ta solamente si no por tin hende local pa haci e trabao, lo duna dispensacion excepcional. Sinembargo no por duna permiso na hende cu ta bay haci lugar limpi, “schoonmaaksters”.

Paul a tranca cu huez, bisando cu Hues no ta mira e asunto bon y a trece un cantidad di ehempel dilanti. El a bisa cu tin hopi hende cu a haci bezwaar schrift contra decision pa no duna permiso. Mustra cu tin empresa cu caba habri y no por haya suficiente empleado, lo por duna dispensacion. Splica tambe situacion cu muchanan extranhero na Aruba cu ora haci 17 anja, nan mayornan no por firma mas pa nan. A bin cu (dreamers beleid) caminda duna nan dispensacion. A splica con maneho bay caminda promer ta rechaza peticion pero despues ora a apela e rechazo, nan lo haya dispensacion.

E por ta zona no normal, pero ta un maneho pa evita e problema reinante na DPL caminda e departamento di intermediacion no tabata optimal. Fiscal a remarca cu segun senjora Paskel y Williams na 2015 e cantidad di permiso a subi. Menciona 1900 permiso pa trahador. Segun Paul tin otro ontheffing firma pa mas cu e so. E’ a mustra cu tin diferente categoria di persona manera hefenan halto di hotel cu ta haya ontheffing o sea permiso sin cu minister a firma.

Hues remarca cu un empresa cu lo a haya permiso, e persona Koeman lo a haci un donacion 10 mil florin cu ta un di esnan mas halto. Tin yamada scucha cu Koeman pidi pa haci un razia na Hyatt Hotel. Segun Paul e no a laga haci e razia aki. El’a bisa cu e situacion tabata cu tabatin preocupacion pa cu e “all inclusive” di cierto hotelnan cu ta perhudica negoshinan.

Segun Paul, empresarionan ta yama y expresa nan disgusto y esey ta pa e por tuma accion. El’a sigui splica cu pa dia e ta haya 90 pa 100 whatsapp pa check con ta para cu peticion di permiso. Hues ta haya esaki hopi stranjo. Paul a sigui bisa cu durante campanja ta bishita casnan y ta haya critica cu ta ora di campanja so nan ta haya bishita. Pesey a dicidi di ta mas habri pa comunidad y ta nos cultura. Esaki ta completamente otro compara cu Hulanda. Paul a sigui hiba palabra den corte, y a sigui splica cu e ta sali den comunidad y ta wordo acerca.

Hendenan ta rabia si no bay entiero di famia. Hues a bisa cu door di esaki e ta facil cu lo por cay den corupcion?  Paul a bisa cu esey por ta pero hendenan sa di ley. Paul a bisa Hues cu e por garantiza Hues cu el a duna su decision na forma sensato.

Fiscal a remarca cu tin diferente hende, entre otro Schwengle, Simmon y Feliciana lo a paga miles di florin na Paul pa haya permiso. Paul a bisa cu e no a haya placa for di e personanan aki. E ta puntra su mes pakico no ta mustra tur e otronan cu a bisa cu no a dun’e placa.

Esaki tabata e parti di permiso,  e ontheffing, unda tin testigonan cu a duna declaracion cu ta compromete Paul Croes.   Pues na su turno el’a nenga di haya placa y a pidi hues pa considera tambe e otro declaracionnan di testigonan cu a bisa cu nan no a paga.

 

LEAVE A REPLY

Please enter your comment!
Please enter your name here