Indice di inflacion a marca un record di 5% desde July, Augustus y September

246

Den un rapport nobo emiti pa Banco Central, por lesa cu Aruba a conoce un porcentage di inflacion halto pa lunanan di July, Augustus y September.

Esaki tin varios factor, unda desde Januari 2018 a habri cu ciere di frontera cual a pone prijsnan di fruta y berduda aumenta barbaramente.

Tambe tin e aumento di gasolin cu desde 2018 tambe a subi debi na e factornan di prijs international pero tambe e “subsidio” cu ex prome minister Nel Oduber a duna y awor a wordo elimina.

Por ultimo tin e subida di BBO, cu no por a spera nada otro cu lo subi tambe prijsnan engeneral cual a conduci na porcentage halto di e indice di prijs.

Segun e grafico di Banco Central, esun di “luna pa luna”, por mira con na july, augustus y september e indice a pijl bay halto pa marca un 5% cual ta record.

Den e promedio esaki ta wantando ainda na 2.5% pa anja 2018.

Aparte di factornan exterior, esaki tin di haci tambe cu e consequencianan di nos debe nacional,  unda finalmente ta pueblo tin cu sacrifica tur subida di prijs pa aporta na caha di gobierno pa na su turno paga e debe poco poco.

Banco Central ta confirma cu lamentablemente nos pais a bira poco mas caro den 2018, cual e prijs index ta e punto pa midi esaki.

LEAVE A REPLY

Please enter your comment!
Please enter your name here