Intimidacion pisa contra lider sindical pasobra el’a denuncia mal maneho di Gerencia di Aduana

1196

Intimidacion, Censura y atentado riba sindicato SADA.

Gerente di Aduana no por distingui un douane-ambtenaar for di un lider sindical.

Douane di Aruba ta den un crisis formal, desde cu Gerencia di Aduana kier trapa e trabaonan di sindicato SADA cu netamente ta desbaratando e gerencia pa mal maneho.

Tur cos ta draai riba e hecho cu Gerencia di Aduana no kier wordo critica o wordo bisa su berdad, den forma “cla y raspa”

Manera mucha chikito, gerencia di Aduana a bay sinta busca tur sorto di argrumento pa benta esaki riba “dienst geheim” culpando lider sindical di SADA.

Sinembargo aki tin un interes general di Aruba cu ta para riba cualke dienst geheim o secretonan cu Gerencia no kier a pueblo sa.

Loke a haci gerencia dolor ta cu un lider sindical a sali bisa cu tin “free 4 all” cu container y cu hopi container no ta haya un seyo manera antes. Esaki kemen cu no tin control y comerciante ta descarga su container sin control.

Tambe cu no tin scanner di container cual obviamente ta un situacion peligroso unda arma y droga ta drenta Aruba.

Cu e actitud di gerencia di Aduana, awor nos por compronde cu e gerencia mes ta pro baho mundo?   Pasobra awor ta rabia bira boos pasobra ta denuncia nan maneho di ta “droga complaciente” ? Of ta con nos tin cu wak e ?

Miedo di kico por tin cu un lider sindical ta denuncia esaki?

Enbes cu Gerencia a perde nan tempo pa traha rapport di dia 6 di november,  tabata mucho mihor pa gerencia dedica su mes pa drecha e scanner y cuminza duna tur container un seyo bek!

No por ta asina cu polis y guarda nos costa ta traha duro pa drecha pais y gerencia di Aduana ta traha duro pa proteha secrecia di trabao cu ta trapa riba interes general.

Ta ora pa Gobierno habri wowo y duna pueblo cuenta riba e dicon hopi container ta sali sin seyo y dicon container scanner no ta wordo usa!

A bisa cu ta un gobierno transparente, pues no tin pakico sconde esaki pa pueblo.

 

LEAVE A REPLY

Please enter your comment!
Please enter your name here