Ken ta Franklin Hoevertsz ? y kico tur ta su record !!!

1155

Diaranzon 9 di april 2019, Corte den Prome Instancia na Aruba a trata e caso na unda e compania estatal (di pueblo) Utilities n.v. cu ta maneha Elmar y WEB, a pidi retiro di e director di Utilities, sr. Franklin Hoevertsz y Huez a bay di acuerdo pa termina Hoevertsz su contract entrante 1 di mei 2019 y bay di acuerdo cu un compensacion, mientras Utilities no tabata di acuerdo pa duna ningun sorto di compensacion, en bista di hechonan condenabel cu den nan bista Hoevertsz a comete.

Dia 8 di januari 2019, durante un reunion di Accionista, Conseho di Comisario y directiva di Utilities, a kita Hoevertsz di su funccion como director di Utilities. Esaki tabata a base di un rapport cu 2 Register Accountants a traha na unda ta menciona hechonan cu Hoevertsz a presta su mes pa haci durante e añanan cu e tabata director y cu segun e Directiva actual di Utilities no ta permisibel y contra e meta di Utilities. Huez a duna su veredicto den e caso aki y manera sa pasa diferente biaha, hopi hende ta keda babuca y ta puntra nan mes con por a yega na semehante conclusion.

Pero semper a keda respeta veredicto di huez, aunke esaki a veces ta incomprendibel. Ta un hecho cu e “cultura” na Aruba ta totalmente diferente cu e “cultura” Hulandes. Hecho ta cu casi tur e puntonan no-permisibel, tabatin “blessing” di e Gobierno di Mike Eman cu ta “doño” di Utilities ( e berdad ta sinembargo cu Utilities ta propiedad di PUEBLO)! Por menciona e.o. cu Hoevertsz tabata gasta hopi mas placa cu e tabata autoriza pa haci, pero despues di añanan e Comisarionan (tur di AVP) tabata aproba esakinan. Gobierno di Mike Eman a cambia meta di Utilities pa por haci fiesta cu su Conferencianan Green, na unda tabata paga cierto hendenan cientos di miles di florin pa nan papia y elogia Mike Eman.

Hoevertsz a hasta laga Utilities paga pa un propaganda pa Mike Eman den e revista mundialmente conoci cu ta Newsweek cu a costa un dineral. Kiko realmente Aruba a gana cu tur e miyones cu a ser malgasta den tur e conferncianan “green”? NADA!! E unico cu a saca probecho di e miyones cu a ser malgasta y cu a haña publicidad paga cu fondo di pueblo, tabata Mike Eman cu awor a bira un “gran experto green”! Tur esaki tambe ta gracias na su discipulo Hoevertsz! Un caso cu a haña basta publicidad negativo tabata ora Utilities a gasta miyones pa cumpra e antiguo edificio di La Dolce Vita na unda a pone “Europe House” di Mike y tambe oficina pa TNO y tambe di Utilities pa Hoevertsz sinta.

Segun e Rapport di  Register Accountants, atravez di Hoevertsz Gabinete Eman a malgasta entre 6.5 pa 11 miyon florin na cosnan cu no ta tereno di Utilties. Asina tambe Utilities a paga supuesto “expertonan” Stijn Jansen di e compania Mind Strategy y Richard Arends di Horizon, un suma di 1.3 miyon florin sin cu tabatin destaho publico y tampoco a informa Belasting di e pago! Ambos persona ya caba tabata trahando fulltime pa Gabinete Mike Eman y a haña un “cachi cachi” extra di 1.3 miyon florin atravez di Hoevertsz.

Tur e pagonan menciona, Hoevertsz a bisa cu ta e Agenda Green cu tabatin aprobacion di Mike Eman y pa Huez tur esaki tabata permisibel. Pueblo mester ta conciente cu tur e miyones cu a ser malgasta door di Utilities cu coperacion di Hoevertsz, ta placa cu ta PERTENECE NA PUEBLO y por a ser usa directamente pa Pueblo y no pa e locura “green” di Mike Eman. Pueblo por ta su mesun huez y saca su conclusion di loke a pasa. PERO KEN TA FRANKLIN HOEVERTSZ? Un medio di comunicacion liga na partido AVP cu tambe a chica masha hopi di e.o. Utilities a grita cu loke a haci cu Hoevertsz ta persecusion politico y cu na 3 ocasion Gobiernonan di signatura MEP a kita Hoevertsz y dune un “golden handshake” (sumanan grandi).

Relaciona cu e ponencia aki ta bon pa relata e dos casonan anterior pa pueblo por dicidi si enberdad por papia di persecusion of cu aki ta trata di abuso di funcion y/of corupcion. HOEVERTSZ DIRECTOR DI FCCA NA 1993 :

Na aña 1993, Gabinete Oduber a duna e director di FCCA sr. Franklin Hoevertsz retiro pa diferente motibo e.o. malusa fondo di FCCA pa cumpra un tereno propiedad grandi na Moko pa miyones di florin pa despues bende tereno/duna hipoteca na hendenan cu tabatin bon entrada.

Esaki ta empugna cu e meta di FCCA cu ta traha cas pa pueblo usando tereno huur di gobierno. Tambe tabatin director di un compania di construccion cu a declara di a regala Hoevertsz un auto y tambe paga pasashi pa e bay vakantie na Europa, esaki cu e pensamento di haña contract di Hoevertsz pa construi cas pa FCCA. Sinembargo, prome cu e caso a yega Corte, Gobierno a cambia dia 1 september 1994 y gabinete Henny Eman a sinta. Nan a anula e caso contra Hoevertsz y a lague como director na FCCA. Si e caso a bay Corte, e carera di Hoevertsz probablemente a termina na 1994! Esaki pues ta e prome asina yama “golden handshake” cu Hoevertsz a ricibi!              E siguiente caso: COMPRA DI

INTERBANK/FIANZA DI 2 MIYON FLORIN HENNY EMAN : Na 1999 sr. Tico Croes tabata Minister di Finanzas den Gabinete Henny Eman y a dicidi pa FCCA tuma Interbank over, ta ser bisa pa 1 florin! E banco tabata yen di problema financiero y ta ser bisa cu e debenan tabata entre 50 pa 60 miyon florin. Den esaki tabatin un fianza di 2 miyon florin cu Henny Eman dia 12 november 1997 a fia pa su compania EMCO, supuestamente. Director di FCCA e tempo ey tabata sr. Franklin Hoevertsz y compra di un banco ta totalmente empugna di e meta di FCCA, cu mester traha cas pa PUEBLO! Henny Eman a haña 2 miyon florin fia sin ningun sorto di colateral (borg/onderpand). E tabata personalmente responsabel pa paga e fianza y ora FCCA a tuma e banco over, di mes nan a tuma e debe di Henny Eman over tambe, pero Henny Eman nunca a paga nada riba su debe! Gobierno a cambia na 2001 cu signatura MEP y a base cu loke a pasa cu maluso di miyones di florin di FCCA, a duna sr. Hoevertsz retiro. Ora FCCA na 2002 a purba bende inventario di EMCO pa haña parti di e 2 miyon florin bek, a resulta cu e inventario tabata riba nomber di un ruman muher di Henny, mientras cu EMCO a pidi faillisement!             

E 2 miyon florin NUNCA a ser paga bek na PUEBLO! Ora Gabinete Mike Eman a sinta na 2009, nan a trece sr. Hoevertsz bek, e biaha aki como director di Utilities! Payback ? Mirando e 3 casonan unda sr. Franklin Hoevertsz tabata envolvi, ta keda na PUEBLO pa saca su conclusion y pueblo por dicidi si Hoevertsz ta “inocente” !!             

Cu e miyones malgasta pa Utilities por a haci hopi pa alivia pueblo y cu e miyones malgasta den FCCA por a construi miles di cas pa pueblo!!

LEAVE A REPLY

Please enter your comment!
Please enter your name here