Ley pa prohibi foam box y tur plastic desechabel y sunblock pa 1 januari 2019 cu un fase transitorio pa 2020

857

Den un comunicado di prensa emiti pa Minister Otmar Oduber,  el titular a bisa cu prome cu fin di anja e lo hiba un ley parlamento di Aruba, pa asina “ban”, prohibi uso di foambox y tambe di tur sorto di plastic desechabel. E ley aki lo keda publica ja desde 1 januari 2019, pero lo drenta na vigor dia 1 di januari 2020.

E motibo cu ta wordo duna ta cu Gobierno ta hopi precupa pa cu medio ambiente y tur loke por causa mas danjo na medio ambiente.  Den e caso aki e plasticonan aki ta menasa e bida marino, pasobra ora un pisca come pida plastic, esaki no por procese y consequentemente e ta muri.

E comunicado ta papia di prohibicion di Oxybenzone, ‘foam box’ y ‘single use plastics’ pa garantisa cuido di nos naturalesa.

For di  Augustus Minister Otmar Oduber a haci un anuncio sumamente importante, cual ta prohibicion di articulonan cu ta dañino pa nos medio ambiente.
Gobierno dia 20 di augustus a dirigi un carta pa presidente di Parlamento di Aruba den cual cu a notifica Parlamento cu Gobierno tin e intencion pa prome di januari venidero pone un
prohibicion (ban) na uzo di productonan sunblock y/of suntan cu ta contene e ingrediente
Oxybenzone. Oxybenzone ta un di e ingredientenan principal cu ta comproba na e momentonan aki pa ta sumamente dañino pa coral y bida marino. ‘Como comunidad nos mester por ta consciente di e daño cu ta wordo causa ora cu nos tin gran cantidad di turista anualmente cu ta uza e tipo di cremanan aki.

Plastic ta dañino como cu e no ta biodegradabel. Ora cu benta e plastic afo y e bay den naturalesa e ta haci e tera menos fertil. Ora cu plastic bay den nos awanan
e por blokia e fluho y ta causa daño na bida marino. Si animal come plastic, e ta pega den nan stoma y ta haci nan malo. Pa motibo cu e animalnan no por procesa plastic den nan stoma. Aruba ta tuma un paso dilanti na e momentonan aki pa tuma un decision den cuadro di proteccion di nos medio ambiente. E decision aki a pasa den Conseho di Minister conhuntamente cu un prohibicion cu ta drenta na vigor desde prome di januari pa loke ta trata tur materialnan di ‘foam box’ y ‘single use plastics’ manera cups di plastic straw etc.’
Lo duna comunidad 1 aña como ‘overgangsfase’

Esaki ta significa cu ora cu haci e anuncio oficial 1 januari 2019, esaki lo significa cu pa 1
januari 2020 esaki lo ta completamente prohibi akinan na Aruba. E prohibicionnan aki ta
particularmente pa garantisa cuido di nos medio ambiente poniendo Aruba riba mapa
internacional di ta cumpli cu e deseo cu hopi biaha tin di decisionnan cu mester wordo tuma pa
proteha nos medio ambiente.

LEAVE A REPLY

Please enter your comment!
Please enter your name here