Mike a firma e Interim Bilateraal Akkoord: “E astucia di Mike y AVP ainda ta persigui e gobierno actual”

59

Parlamentario Endy Croes: Mike a firma e Interim Bilateraal Akkoord.

“E astucia di Mike y AVP ainda ta persigui e gobierno actual”

Parlamentario Endy Croes ta splica cu Mike Eman y AVP a firma un Interim Bilateraal Akkoord cu sindicatonan dia 28 di mei 2014. Kico a wordo firma y kico por ta e consecuencianan? Sindicatonan SEPPA, SADA, SIMAR, SPA y STA a negosha indexering cu gobierno di turno di Mike Eman y a firma un acuerdo. Nan punto di salida tabata un protocol di 25 di april 2008 y acuerdonan bilateral cu a sali for di e dialogonan social di 27 augustus 2010, 8 di december 2011 y 21 di december 2012. Den e protocol di 25 di april 2008 tin ancra cu e restante di “inhaalmanouvre” di e periodo promer cu aña 2002 y un parti di e compensacion pa e poder di compra (koopkrachtcompensatie) di aña 2007 a keda regla.

Restante di perdida di compra

Banda di esaki tambe tin ancra cu e restante di e perdida di poder di compra di añanan 2002 te cu 2007 ta stipula na 8%. Den un acuerdo nobo esta e acuerdo bilateral di 21 di december 2012 a revisa y stipula cu e perdida di poder di compra di 2002-2007 ta 7.6% y no 8%. Di acuerdo cu informacionnan di Central Bureau van Statistiek y Departamento di Recurso Humano empleadonan publico cu un ingreso modera den e periodo di 2008-2013 a cobra 0.4% mas hopi den comparacion cu e perdida den poder di compra di e periodo ariba menciona.

Lo no surpasa e plafond di gastonan

Gobierno den su manipulacion pa convence e sindicatonan pa firma e acuerdo a splica e sindicatonan cu pa e proximo 4 añanan desde 2014 pa 2017 gobierno lo no surpasa e plafond di gastonan total di Afl.1.350 miyon pa aña esta 1.35 biyon pa aña. Lamentablemente di acuerdo cu Statistical Digest di Banco Central na 2014 gobierno a gasta Afl.1.490,4 miyon (140.4 MIYON) mas cu nan a priminti e sindicatonan, na aña 2015 Afl. 1.366,4 miyon (16.4 miyon) mas cu a priminti, na 2016 Afl.1.372,6 miyon (22.6 miyon) mas cu a priminti den e convenio. Gobierno di AVP a gasta 180 miyon mas cu el a firma den dicho acuerdo.

Indexeringsmechanisme

Sindicatonan SEPPA, SADA, SPA, SIMAR, SINBA, FTA, TOPA, STA, SCCA y ABV a negosha cu gobierno entre 30 di januari te cu 28 di mei 2014 unda gobierno a bay di acuerdo “onder voorbehoud” pa yega na un consenso riba compensacion di poder di compra di pasado te cu 31 di december 2017 a cambio di e reforma di pensioen di APFA. Den e acuerdo tin ancra tambe cu lo institui un comision na 2014 cu 3 representante di sindicato y 3 representante di gobierno kendenan lo bini cu un proposicion riba un indexeringsmechanisme alrespecto inflatie correctie. Lo inicia cu esaki desde januari 2019 alrespecto e aña 2018 unda lo sondea y mira otro indexeringsmechanisme na otro partnernan di Reino y lo mira “best practices” den sector publico y den sector priva y e investigacionnan lo mester determina si un di e mechanismenan aki di acuerdo cu e circunstancianan na Aruba por ta aplicabel.

Tin un caminda pa cana, pero “husto” lo ta pa ban cuminsa mira si e gobierno cu a firma e acuerdo aki a cumpli promer cu e acuerdo y no tabata un otro triki hunga pa Mike Eman pa alarga indexering y laga e gobierno nobo bay deal cu e consecuencianan den futuro. Lamentablemente Mike Eman ta y ta keda un manipulador den e proceso aki y a changa sindicatonan pa cu nan pensioen. Time will tell!

 

LEAVE A REPLY

Please enter your comment!
Please enter your name here