Minister Dangui Oduber ta exigi investigacion independiente y claridad for di hospital riba laboratorio

572

Minister di Salubridad Publico, Sr. Dangui Oduber a reacciona dialuna mainta riba e acusacionnan haci dor di Nice van de Zee den Amigoe y a bisa lo siguiente:

A tuma nota di e articulo cu a ser publica den columna di Sr Van der Zee den e matutino amigoe. Na mes momento a tuma contact cu e kroonleden di gobierno den e hunta di supervision di hospital. Mientrastanto nos ta den contacto cu e otro miembronan tambe.

Ta un acusacionan hopi serio cu ta ser haci y como minister encarga cu salud nos ta tuma esaki tambe na serio y ta maneha esaki cu cautela.

E ta un acusacion di fraude y segun e articulo, ta duna informacion tambe con e fraude lo ta tumando lugar. Nos ta papiando di testanan delicado cu ta wordo haci pa salud di hende y cu esaki no tin espacio pa haci fraude y tipo di cosnan cu ta wordo insinua.

Pami como minsiter di salud loke a wordo treci dilanti ta algo cu ta nobo den sentido nunca mi a wordo informa di posibel caso di fraude aki na laboratorio di hospital door di ni e hunta di supervision di hospital ni door di e raad van bestuur di hospital.

Obviamente si mi tawata na altura lo a tuma e accionan necesario. Den e caso specifico aki un carta lo ser dirigi na e hunta di supervision di hospital pa laga un partido independiente haci un investigacion forensico inmediatamente.

A raiz di e resultado di e investigacion forensico lo determina si mester entrega un keho pa un investigacion penal na ministerio publico pa asina esnan responsabel di e posibel fraude wordo persigui. Ministerio publico lo wordo poni na altura tambe!

Nos ta exigi un contesta di parti gerencia di hospital y nos kier claridad y transparencia den e caso aki! E situacion cu a surgi aki lo mester tin consequencia nan hopi serio si resulta cu loke ta ser bisa por wordo prueba!

LEAVE A REPLY

Please enter your comment!
Please enter your name here